Bugun, 2025-yil 28-noyabr kuni, TDIU Samarqand filialida bitiruvchi talabalar uchun yilning eng muhim va kutilgan tadbirlaridan biri — “Mehnat yarmarkasi – 2025” muvaffaqiyatli o‘tkazildi. Yarmarka davomida talabalar turli korxona va tashkilotlar vakillari bilan yuzma-yuz muloqot qildilar, yangi ish imkoniyatlari haqida ma’lumot oldilar va o‘zlarini namoyish etish imkoniga ega bo‘ldilar.
Uchrashuvlar va kelishuvlar orqali yoshlar uchun karyera yo‘lida mustahkam zamin yaratildi. TDIU Samarqand filiali talabalarining kelajagi porloq — ular bugun ilk qadamlarini qo‘yishdi!

TDIU Samarqand filialida Ibn Xaldunning “Muqaddima” asariga bag‘ishlangan ilmiy-muhokama tadbiri muvaffaqiyatli o‘tkazildi. Talabalar mazmunli bahs-munozaralarda faol ishtirok etib, asardagi g‘oyalarni yangi talqinlarda tahlil qilishdi. Tadbir yakunida faol ishtirokchilar esdalik sovg‘alari bilan taqdirlandi. Ilmga qiziqish va izlanish bu yerda doimo qo‘llab-quvvatlanadi.

Toshkent davlat iqtisodiyot universiteti Samarqand filialida 2025-yil 26-noyabr kuni Yoshlar ittifoqi boshlang‘ich tashkiloti va “Ekofaol talabalar” bo‘limi tashabbusi bilan “Ekovolontyor talabalar harakati” tomonidan “Mahalliy chiqindilar muammosi va ekotashabbuslar” mavzusida plogging aksiyasi o‘tkazildi. Aksiya davomida volontyor talabalar hududni chiqindilardan tozalash bilan birga ekologik madaniyatni targ‘ib qilishga ham alohida e’tibor qaratdilar.

Toshkent davlat iqtisodiyot universiteti Samarqand filialida 2026-yil uchun oliy ta’limning mustaqil izlanuvchilik shakliga talabgorlarni suhbat orqali saralash jarayoni yakunlandi va rasmiy natijalar e’lon qilindi.
Talabgorlar o‘z natijalari bilan Filialning rasmiy axborot platformalari orqali tanishishlari mumkin.
Barcha nomzodlarga ilmiy izlanishlarida omad va yuksak muvaffaqiyatlar tilaymiz!

Toshkent davlat iqtisodiyot universiteti Samarqand filialida 2026-yil uchun oliy ta’limdan keyingi ta’limga tayyorgarlik bosqichi hisoblangan stajyor-tadqiqotchilik shakliga o‘qishga qabul qilish bo‘yicha natijalar rasmiy ravishda e’lon qilindi.
Talabgorlar o‘z natijalari bilan Filialning rasmiy axborot kanallari orqali tanishishlari mumkin.
Barcha nomzodlarga ilmiy izlanishlarida muvaffaqiyat tilaymiz!

Toshkent davlat iqtisodiyot universiteti Samarqand filialida 2026-yil uchun oliy ta’limdan keyingi ta’lim (PhD) dasturlariga qabul bo‘yicha imtihon natijalari e’lon qilindi.
Talabgorlar o‘z natijalarini rasmiy manbalar orqali ko‘rib chiqishlari mumkin.
Barcha ishtirokchilarga ilmiy izlanishlarida muvaffaqiyat tilaymiz!

TDIU Samarqand filiali delegatsiyasining AQShdagi WUST universitetiga tashrifi davomida ikki tomonlama hamkorlik bo‘yicha Memorandum imzolandi. Endilikda qo‘shma tadqiqotlar, almashinuv dasturlari va Double Degree loyihalari yo‘lga qo‘yiladi.

Filial bosqichiga tavsiya etilgan nomzodlar faoliyati tanlov komissiyasi tomonidan baholanib, barcha nominatsiyalar bo‘yicha g‘olib va sovrindorlar belgilandi. Ular faxriy yorliq va nizom asosida moddiy rag‘bat bilan taqdirlanadi.

Delegatsiya Germaniyaning yetakchi universitetlari bilan qo‘shma doktorantura, stajirovka, Erasmus+ loyihalari va til o‘qitish markazi bo‘yicha muhim kelishuvlarga erishdi.

Berlin Forumida qishloq xo‘jaligi iqtisodiyoti bo‘yicha qo‘shma tadqiqotlar, stajirovkalar va xalqaro loyihalar bo‘yicha hamkorlikni kengaytiruvchi muhim kelishuv imzolandi.