TDIU Samarqand filiali – Berlin Forumida: Yangi akademik hamkorliklar sari muhim qadam

2025-yil 18-noyabr kuni Berlin shahrida ilk marotaba tashkil etilgan O‘zbekiston–Germaniya Universitetlar forumida TDIU Samarqand filiali delegatsiyasi faol ishtirok etdi. Tadbir doirasida ikki davlat oliy ta’lim muassasalari o‘rtasida ilmiy, akademik va innovatsion yo‘nalishlarda keng ko‘lamli hamkorlik masalalari muhokama qilindi.

 Delegatsiya tarkibi:
• Professor Olim Murtazaev – direktor
• Prof. Dr. Farhod Ahrorov – o‘quv ishlari bo‘yicha direktor o‘rinbosari

 Forumning asosiy natijalari quyidagicha bo‘ldi:

•  Weihenstephan–Triesdorf universiteti bilan qo‘shma doktorantura yo‘lga qo‘yish bo‘yicha DAAD loyihasi kelishib olindi;

•  Kempten universitetida professor-o‘qituvchilar uchun stajirovka va malaka oshirish dasturlari yo‘lga qo‘yildi;

•  2026–2027 yillar davomida 3 nafar TDIU Samarqand filiali talabasi Germaniyada o‘qish va amaliyot o‘tashi bo‘yicha kelishuvga erishildi;

•  Erasmus+ CBHE doirasida qo‘shma loyiha ishlab chiqish boshlandi;

• Samarqand shahrida **“O‘zbek–nemis til o‘qitish markazi”**ni tashkil etish bo‘yicha memorandum imzolashga kelishildi;

•  Talabalar uchun Germaniyada amaliyot va ilmiy stajirovkalar imkoniyatlari kengaytirildi.

 Forum O‘zbekiston va Germaniya oliy ta’lim muassasalari o‘rtasidagi hamkorlikni yangi bosqichga olib chiqib, qo‘shma ta’lim dasturlari, professor-o‘qituvchilar almashinuvi va ilmiy tadqiqotlarni yanada faollashtirishga xizmat qiladi.

 TDIU Samarqand filiali xalqaro hamkorlik doirasini kengaytirish bo‘yicha faol ishlarni davom ettiradi.