Prezident Shavkat Mirziyoyev raisligida o‘tkazilgan videoselektor yig‘ilishida xorijda yashayotgan va mehnat qilayotgan vatandoshlarimiz huquq va manfaatlarini amalda himoya qilish bo‘yicha muhim vazifalar belgilandi. Ushbu yondashuv Yangi O‘zbekiston tashqi siyosatida inson manfaatlari ustuvor ekanini tasdiqlaydi.

TDIU Samarqand filiali direktorining o‘quv ishlari bo‘yicha o‘rinbosari Dr. Farhod Ahrorov Xitoyning Northwest A&F University universitetida bo‘lib o‘tgan xalqaro simpoziumda asosiy ma’ruzachi sifatida ishtirok etib, SHHT doirasida qishloq xo‘jaligi barqarorligi va bilim almashinuvi masalalarini yoritdi.

Mazkur loyiha doirasida Iqtisodiyot fakultetining “Raqamli iqtisodiyot va axborot texnologiyalari” kafedrasiga qarashli RI-223 guruhi talabalari agentli sun’iy intellekt tizimlarini loyihalash va joriy etish jarayonlarini amaliyotda o‘rganishdi. Talabalar avtonom agentlar yaratish, ularning qaror qabul qilish, moslashuvchanlik va samaradorlik xususiyatlarini sinovdan o‘tkazib, jamoaviy ishlash orqali muhim texnik va amaliy ko‘nikmalarga ega bo‘ldilar.

TDIU Samarqand filiali “Yashil iqtisodiyot va barqaror biznes” kafedrasi dotsenti, PhD Sobirov Bobur Baxtishodovich AQShning University of Wyoming universitetida Faculty Enrichment Program (FEP) xalqaro akademik dasturida muvaffaqiyatli ishtirok etdi. Mazkur dastur doirasida u ilmiy-tadqiqot, pedagogik faoliyat, xalqaro konferensiyalar va akademik hamkorliklarda faol qatnashib, AQSh–O‘zbekiston oliy ta’lim muassasalari o‘rtasidagi hamkorlikni mustahkamlashga munosib hissa qo‘shdi.

TDIU Samarqand filialida bakalavriatining davlat granti asosidagi kunduzgi ta’lim shakli bo‘yicha qayta taqsimlash parametrlari

2025-yil 18-oktabr kuni TDIU Samarqand filiali “Iqtisodiyot” fakulteti “Raqamli iqtisodiyot va axborot texnologiyalari” kafedrasi professor-o‘qituvchilari Qo‘shrabot tumanidagi 1- va 2-son ixtisoslashtirilgan maktab-internatlarida ilmiy hamkorlik va integratsiyani mustahkamlash maqsadida uchrashuvlar o‘tkazdilar.
Dotsentlar U. Ubaydulayev va X. Xudoyberdiyev tomonidan “Matematikaning inson hayotidagi o‘rni” mavzusida o‘quv-seminar tashkil etilib, o‘quvchilar bilan ochiq muloqot hamda savol-javoblar bo‘lib o‘tdi.
Uchrashuvlar mazmunan boy, ilmiy jihatdan samarali va motivatsion ruhda o‘tdi.

2025-yil 20-noyabr kuni TDIU Samarqand filiali va AQShning Washington University of Science and Technology (WUST) o‘rtasida o‘zaro hamkorlikni kengaytirishga qaratilgan Memorandum of Understanding (MoU) imzolandi. Ushbu kelishuv ikki tomonlama ilmiy tadqiqotlar, professor-o‘qituvchilar va talabalar almashinuvi, qo‘shma dasturlar hamda Double Degree loyihalarini amalga oshirish uchun mustahkam asos yaratadi.

29-noyabr kuni bo‘lib o‘tadigan yig‘ilishda Prezident qarorlari ijrosi, Konstitutsiyaning 33 yilligini nishonlashga tayyorgarlik va filialning ilmiy salohiyatini oshirishga qaratilgan “Yo‘l xaritasi”dagi vazifalar ijrosi muhokama qilinadi.

Bugun, 2025-yil 28-noyabr kuni, TDIU Samarqand filialida bitiruvchi talabalar uchun yilning eng muhim va kutilgan tadbirlaridan biri — “Mehnat yarmarkasi – 2025” muvaffaqiyatli o‘tkazildi. Yarmarka davomida talabalar turli korxona va tashkilotlar vakillari bilan yuzma-yuz muloqot qildilar, yangi ish imkoniyatlari haqida ma’lumot oldilar va o‘zlarini namoyish etish imkoniga ega bo‘ldilar.
Uchrashuvlar va kelishuvlar orqali yoshlar uchun karyera yo‘lida mustahkam zamin yaratildi. TDIU Samarqand filiali talabalarining kelajagi porloq — ular bugun ilk qadamlarini qo‘yishdi!

TDIU Samarqand filialida Ibn Xaldunning “Muqaddima” asariga bag‘ishlangan ilmiy-muhokama tadbiri muvaffaqiyatli o‘tkazildi. Talabalar mazmunli bahs-munozaralarda faol ishtirok etib, asardagi g‘oyalarni yangi talqinlarda tahlil qilishdi. Tadbir yakunida faol ishtirokchilar esdalik sovg‘alari bilan taqdirlandi. Ilmga qiziqish va izlanish bu yerda doimo qo‘llab-quvvatlanadi.