2025-yil 29-noyabr kuni Toshkent davlat iqtisodiyot universiteti Samarqand filialida Kengashning navbatdagi 4-son yig‘ilishi bo‘lib o‘tadi. Unda bir qator dolzarb masalalar ko‘rib chiqilishi rejalashtirildi.

Yig‘ilishda avvalo filialda Prezident qarorlari, vazirlik buyruqlari ijrosi hamda ijro intizomining ta’minlanishi bo‘yicha batafsil axborot taqdim etiladi. Shuningdek, jismoniy va yuridik shaxslar murojaatlari bilan ishlash tizimi, ularning o‘z vaqtida ko‘rib chiqilishi ham muhokama qilindi.

Kun tartibidagi ikkinchi masala — O‘zbekiston Respublikasi Konstitutsiyasining 33 yilligini munosib nishonlashga tayyorgarlik jarayonlariga bag‘ishlanadi. Mazkur doirada filialda o‘tkaziladigan tadbirlar, ma’naviy-ma’rifiy uchrashuvlar, ochiq darslar va targ‘ibot ishlari yuzasidan axborot berildi.

Uchinchi masalada esa filialda yuqori malakali kadrlar tayyorlash, ilmiy salohiyatni oshirish hamda professor-o‘qituvchilarning ilmiy faoliyatini qo‘llab-quvvatlashga qaratilgan “Yo‘l xaritasi”da belgilangan topshiriqlarning ijro holati ko‘rib chiqiladi. Xususan, ilmiy loyihalar, malaka oshirish dasturlari, yosh tadqiqotchilarni rag‘batlantirish kabi yo‘nalishlardagi ishlarga alohida e’tibor qaratiladi.