2024-yil 25-yanvar kuni TDIU Samarqand filiali direktori O.Murtazayev ishlab chiqarish korxonalarining investitsion jozibadorligini oʻrganish, talabalar amaliyoti oʻtashlari uchun tavsiya etiladigan sharoitlarni oʻrganish, ilmiy tadqiqotlar olib borish uchun korxonalar bilan hamkorlikni yanada kuchaytirish maqsadida Samarqand viloyati Payariq tumanida joylashgan "Oʻzbegim-Agro" Oʻzbekiston-Germaniya MChJ korxonasida boʻldi. Korxona direktori M.Mamaziyayev uchrashuv doirasida ikki tomonlama hamkorlikdan doimo xursandligi, bundan ishlab chiqarish, taʼlim va ilm-fan yaxshi natijalarga erishishini bildirib, korxonada ishlab chiqarish jarayoni, olib borilayotgan korxonaning iqtisodiy siyosati, yutuq va kamchiliklari haqida soʻzlab berdi. Filial va korxona oʻrtasida ikki tomonlama hamkorlikni yanada kuchaytirish kelishib olindi. Filial direktoriga ushbu safar davomida Fliali taʼlim sifatini nazorat qilish boʻlimi boshligʻi, dotsent I.M.Gʻaniyev, Iqtisodiyot fakulteti dekani, PhD Gʻ.A.Ibragimov va Oʻquv-uslubiy boʻlim inspektori O.Tursunovlar hamrohlik qilishdi.