Ruminiya Hukumati Grant Dasturi – 2026

“Kelajak tadbirkoriˮdasturi bilan imkoniyatlaringizni ro‘yobga chiqaring

Toshkent davlat iqtisodiyot universiteti Samarqand filialida “Ogohlik — davr talabi” shiori ostida ma’naviy-ma’rifiy tadbir tashkil etildi. Tadbir oliy o‘quv yurtlarida yoshlar orasida radikallashuvning oldini olish hamda talabalarni virtual diniy jamoalarga qo‘shilib ketish xavfidan himoya qilish masalalariga bag‘ishlandi.

Filialda an’anaviy tarzda o‘tkazib kelinayotgan “Yilning eng faol talabasi” tanlovi yakuniga yetdi. Tanlov jarayonida o‘quv, ilmiy, ijtimoiy hamda ma’naviy-ma’rifiy yo‘nalishlarda yuqori natijalarga erishgan, tashabbuskorligi va yetakchilik qobiliyati bilan ajralib turgan talabalar saralab olindi.
Shuningdek, talabalarning yutuqlarida munosib hissasi bo‘lgan ilmiy rahbarlar va ustozlar ham alohida e’tirof etilib, taqdirlandi. Tadbir davomida ustoz-shogird an’analari, ilmiy izlanish va yoshlarning faolligini qo‘llab-quvvatlash muhim omil ekani alohida ta’kidlandi.

2026-yil 19-fevral kuni Toshkent davlat iqtisodiyot universiteti Samarqand filialida “Kelajakka qadam” markazi loyihasi doirasida 4-bosqich talabalari bilan uchrashuv bo‘lib o‘tdi. Tadbirda fakultet rahbariyati hamda Milliy bank vakillari ishtirok etib, talabalarga dastur mazmuni, imkoniyatlari va bugungi kunda ajratilayotgan imtiyozli kreditlar shartlari haqida batafsil ma’lumot berdilar. Uchrashuv davomida talabalar o‘zlarini qiziqtirgan savollarga javob oldilar.

Toshkent davlat iqtisodiyot universiteti Samarqand filiali Yoshlar ittifoqi boshlang‘ich tashkiloti tashabbusi bilan “Ochiq eshiklar kuni” doirasida Oʻzbekiston Respublikasi Milliy gvardiyasi Samarqand viloyati boshqarmasiga talabalar tashrifi tashkil etildi. Talabalar qurol-aslaha va maxsus texnikalar bilan tanishib, ko‘rgazmali chiqishlar hamda ochiq muloqotda ishtirok etdilar. Tadbir yoshlarning harbiy sohaga qiziqishini oshirib, vatanparvarlik tuyg‘ularini mustahkamladi.

“Raqamli iqtisodiyot va axborot texnologiyalari” kafedrasi o’qituvchisi U.R.Kubayev “Multimediya texnologiyalari”  fanidan “Multimediya texnologiyalariga kirish” mavzusida  ochiq ma’ruza mashg’uloti o’tkazadi.

Raqamli iqtisodiyot va axborot texnologiyalari kafedrasi dotsenti Utkir Nematovich Kuljanovning ilmiy maqolasi SCOPUS bazasiga indekslangan Q2 darajadagi nufuzli jurnalda nashr etildi. Toshkent davlat iqtisodiyot universiteti Samarqand filiali jamoasi olimni ushbu yutuq bilan tabriklab, kelgusi ilmiy faoliyatida yanada ulkan muvaffaqiyatlar tilaydi.

Toshkent davlat iqtisodiyot universiteti Samarqand filiali “Eng yaxshi kreativ g‘oya” respublika tanlovining 1-bosqichini e’lon qiladi.

Toshkent davlat iqtisodiyot universiteti Samarqand filiali tomonidan innovatsion va tijoratlashuv salohiyatiga ega startap loyihalarni qo‘llab-quvvatlash maqsadida tanlov tashkil etilmoqda.