Ruminiya Tashqi ishlar vazirligi Yevropa Ittifoqiga kirmaydigan davlatlar fuqarolari uchun bakalavriat, magistratura va doktorantura bosqichlarida o‘qish uchun grantlar e’lon qildi.

1. Grantning Afzalliklari

Dastur g‘oliblari quyidagi imtiyozlarga ega bo‘ladilar:

• O‘qish kontrakti: To‘liq ozod qilinadi.
• Turar joy: Bepul yotoqxona bilan ta’minlanadi yoki turar joy uchun mablag‘ ajratiladi.
• Oylik stipendiya: Talabalarga har oy pul mablag‘i beriladi.
• Til kursi: Rumin tilini bilmaydiganlar uchun 1 yillik bepul tayyorlov kursi (grant ichida).
• Viza va kirish imtihonlari: O‘qish vizasi hamda universitetga kirish/test to‘lovlaridan ozod qilinadi.
• Transport: Mahalliy jamoat transportidan foydalanishda imtiyozlar beriladi.

Muhim: Ruminiyaga borish va kelish (aviachipta) xarajatlari grant tomonidan qoplanmaydi, buni talabaning o‘zi to‘lashi kerak.

2. Yo‘nalishlar va Ta’lim Tili

• Bakalavr va Magistratura: Faqat rumin tilida olib boriladi.
• Doktorantura: Rumin, ingliz yoki fransuz tillarida o‘qish imkoniyati mavjud.
• Til kursi: Rumin tilini bilmaydiganlar o‘qishni 1 yillik tayyorlov kursidan boshlaydilar. Til kursiga qabul qilinish uchun nomzoddan ingliz tilini bilish talab etiladi.

3. Nomzodlarga Qo‘yilgan Talablar

• Akademik ko‘rsatkich: Nomzodning o‘rtacha bahosi kamida 7 ball (10 lik tizimda), ya’ni 5 lik tizimda 3,5 ball bo‘lishi shart.
• Ta’lim darajasi: Bakalavr uchun maktab/kollej, magistratura uchun bakalavr diplomiga ega bo‘lish lozim.
• Cheklov: Arizachining oila a’zolaridan biri Ruminiya diplomatik korpuslarida yoki xalqaro tashkilotlarida ishlamasligi kerak.

4. Kerakli Hujjatlar

Barcha hujjatlar ingliz, fransuz, rumin yoki ispan tillaridan biriga rasmiy tarjima qilingan bo‘lishi kerak:

• Diplom yoki attestat (va uning ilovasi/baholari).
• Tug‘ilganlik haqida guvohnoma.
• Xorijga chiqish pasportining dastlabki 3 sahifasi nusxasi.
• Ingliz yoki fransuz tilida yozilgan CV.

5. Qabul Jarayoni va Muddat

https://studyinromania.gov.ro/universities

• Oxirgi muddat: Arizalar 2026-yil 31-martgacha qabul qilinadi.