Unda bir qator masalalar ko‘rib chiqildi. Xususan, filialda Prezident qarorlari, Farmonlari, Vazirlar Mahkamasining qarorlari, Oliy ta’lim, fan va innovatsiyalar vazirligi va boshqa vazirliklar buyruqlari, Hay’at qarorlari, filial qarorlari bajarilishi hamda ijro intizomiga rioya qilishning holati to‘g‘risida Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i N.J.To’xtamurodova hisobot berdi.

Shundan so'ng, filialda yuqori malakali kadrlar tayyorlash tizimini tubdan takomillashtirish va ilmiy salohiyatni rivojlantirish bo‘yicha chora-tadbirlar dasturi (“Yo‘l xaritasi”)ga asosan o‘quv-metodik ta’minotining holati to‘g‘risida axborotni O‘quv ishlari bo‘yicha direktor o‘rinbosari F.B.Axrorov tinglandi.
Filialda yuqori malakali kadrlar tayyorlash tizimini tubdan takomillashtirish va ilmiy salohiyatni rivojlantirish bo‘yicha chora-tadbirlar dasturi (“Yo‘l xaritasi”)da belgilangan vazifalarni “Raqamli iqtisodiyot va axborot texnologiyalari” kafedrasida ijrosi yuzasidan Kafedra mudiri U.Ubaydullayev hamda filial jamoatchilik kengashining raisi S.A.Aliqulov hisobot berdilar.

Shu bilan birga, filialining o‘quv-laboratoriya jihozlari bilan ta’minlanganligi, ularning o‘quv-me’yoriy hujjatlarga mosligi hamda  laboratoriya darslarini professor-o‘qituvchilar tomonidan  o‘tkazilish ahvoli va ulardan talabalarning o‘quv jarayonida foydalanish samaradorligi to‘g‘risida O‘quv-uslubiy bo‘lim boshlig‘i Z.S.Bobomurodov, kafedra mudirlari (U.Xudayarov, U.Ubaydullayev), Ta’lim sifatini nazorat qilish bo‘lim boshlig‘i  I.M.Ganiyev ma'lumot berdilar.

Filialning 2024-yildagi moliyaviy-xo‘jalik faoliyati natijalari to‘g‘risidagi hisoboti va 2025-yilga mo‘ljallangan moddiy-texnika bazasini mustahkamlash sohasidagi ustuvor vazifalari to‘g‘risida Ishlar boshqarmasi boshlig‘i A.R.Safarov, Bosh hisobchi R.A.Eshaliyev, Reja va moliya bo‘limi boshlig‘i M.Q.Urolovdan tinglandi.

Shuningdek, filialda  kadrlar malakasini oshirish borasida olib borilayotgan ishlar to‘g‘risida Ilmiy tadqiqot ishlari 1-toifali muhandisi U.Umirov va kafedra mudirlari(B.Mirsanov, U.Xudayarov, U.Ubaydullayev, O.Pardayeva, R.G‘aybullayev ,M.Mardonov) ma'lumot berdilar.

Qolaversa, Ilmiy ishlar va innovatsiyalar boʻyicha direktor oʻrinbosari Z.X.Abdullayev tomonidan ilmiy darajali xodimlarga qoʻshimcha haq toʻlash miqdorini tasdiqlash toʻgʻrisida ham to'xtalib o'tildi.

“Yashil iqtisodiyot va barqaror biznes”  kafedrasi mudiri, iqtisodiyot fanlari bo‘yicha falsafa doktori (PhD), dotsent O.Pardayevani “Mahallalarda tadbirkorlikni rivojlantirishning innovatsion usullarini yaratish” mavzusidagi loyihani Oliy ta’lim, fan va innovatsiyalar vazirligi huzuridagi Innovatsion rivojlanish agentligi tomonidan e’lon qilingan amaliy tadqiqotlar va innovatsion loyihalar tanloviga tavsiya etish to‘g‘risida muhokama olib borildi.

Raqamli taʼlim texnologiyalari markazi boshligʻi Y.D.Eshonqulov tomonidan filialida raqamlashtirish boʻyicha amalga oshiriladigan ishlar toʻgʻrisida ma'lumot berildi.

Shuningdek, filialda mustaqil izlanuvchisi  Kudratova Iroda Turdibayevnaning 08.00.08 - “Buxgalteriya hisobi, iqtisodiy tahlil va audit” ixtisosligida iqtisodiyot fanlari bo’yicha falsafa doktori (PhD) ilmiy darajasi olish uchun “Innovatsion iqtisodiyot sharoitida agroservis xizmatlarini ko’rsatuvchi korxonalar samaradorligi tahlilini takomillashtirish (Samarqand viloyati “Agrokimyo” servis xizmatini ko’rsatuvchi korxonalar materiallari misolida)” tasdiqlangan dissertatsiya mavzusini tadqiqot natijalaridan kelib chiqib 08.00.05 – “Xizmat ko’rsatish tarmoqlari iqtisodiyoti” va 08.00.04 - “Qishloq xo’jaligi iqtisodiyoti” ixtisosliklari tutashligida “Innovatsion iqtisodiyot sharoitida paxta-to‘qimachilik klasterlarida agroservis samaradorligini oshirish yo‘llari” mavzusiga oʻzgartirish boʻyicha muhokama etildi va tasdiqlandi.

Yig'ilish so'ngida “Moliya, soliq va bank ishi ” kafedrasi mudiri prof. Gaybullayev Rahim Murodovich professorlik hamda "Raqamli iqtisodiyot va axborot texnologiyalari" kafedrasi dotsenti A.A.Karimov dotdentlik ilmiy darajasi diplomi bilan taqdirlanishdi.