Unda bir qator masalalar ko‘rib chiqildi. Xususan, filialda Prezident qarorlari, Farmonlari, Vazirlar Mahkamasining qarorlari, Oliy ta’lim, fan va innovatsiyalar vazirligi va boshqa vazirliklar buyruqlari, Hay’at qarorlari, filial qarorlari bajarilishi hamda ijro intizomiga rioya qilishning holati to‘g‘risida Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i N.J.To’xtamurodova hisobot berdi.

Shundan so‘ng,“Yoshlar va biznesni qo‘llab-quvvatlash yili” davlat dasturi doirasida filialda amalga oshirilgan ishlar  va talabalarni qishki ta’tilga kuzatishni tashkil etish hamda Yangi yil bayramini yuqori saviyada o‘tkazishga tayyorgarlik ko‘rish to‘g‘risida Yoshlar masalalari va ma’naviy-ma’rifiy ishlar bo‘yicha direktorning birinchi o‘rinbosari X.I.Turdibekov ma’lumotlari tinglandi.

Filialda yuqori malakali kadrlar tayyorlash tizimini tubdan takomillashtirish va ilmiy salohiyatni rivojlantirish bo‘yicha chora-tadbirlar dasturi (“Yo‘l xaritasi”)da belgilangan vazifalarni “Yashil iqtisodiyot va barqaror biznes” kafedrasida ijrosi yuzasidan Kafedra mudiri O.Pardayeva hamda “Buxgalteriya hisobi va moliya” fakulteti dekani A.Taniyev hisobot berdilar.

Shu bilan birga, Ilmiy-tadqiqot faoliyatini tashkillashtirish, ilmiy-pedagog kadrlar tayyorlash, iqtidorli yoshlar bilan ishlash, ilmiy-tadqiqot natijalarini ishlab chiqarishga joriy etish yuzasidan 2024-yilda bajarilgan ishlar bo‘yicha hisobotini Ilmiy ishlar va innovatsiyalar bo‘yicha direktor o‘rinbosari Z.Abdullayev berdi.

Xalqaro hamkorlik bo‘limining 2024-yilda bajarilgan ishlar bo‘yicha Xalqaro hamkorlik bo‘limi boshlig‘i O.Muydinov tinglandi.

Qolaversa,filial qabul komissiyasining 2024/2025 o‘quv yili uchun faoliyati yuzasidan Yoshlar bilan ishlash bo‘yicha dekan o‘rinbosari, qabul komissiyasi mas’ul kotibi L.Eshonqulov hisobot berdi.

Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i S.A.Abdivohidov tomonidan Oliy ta’limdan keyingi ta’lim instituti tayanch doktorantura va stajor tadqiqotchilik shakllariga qabul qilingan talabgorlarning yakka tartibdagi rejalari va nazariy metodologik dasturlarini tasdiqlash to‘g‘risida ham to‘xtalib o‘tildi.
Bundan tashqari Kengashda boshqa turli masalalar ko‘rib chiqildi.Unda Ilmiy ishlar va innovatsiyalar bo‘yicha direktor o‘rinbosari Z.X.Abdullayev O‘zbekiston Respublikasi Vazirlar Mahkamasining “Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanyvchi ilmiy darajaga ega xodimlarga qo‘shimcha haq to‘lash tartibi to‘g‘risida"gi 2019-yil 24-dekabrdagi 1030-son qarori ijrosini ta’minlash bo‘yicha Ishchi komissiya tarkibini tasdiqlash to‘g‘risida to‘xtalib o‘tdi. Hamda Oliy ta’limdan keyingi ta’limning tayanch doktorantura (PhD) va mustaqil izlanuvchilik (PhD) shakllarida o‘qiyotgan 1-2 bosqich doktorantlarni keyingi bosqichga o‘tkazish hamda o‘qish muddati tugagan stajor-tadqiqotchilar va 3-bosqich tayanch doktorantlarni o‘qish muddati tugaganligi munosabati bilan doktorantlar safidan chiqarish to‘g‘risida Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i S.A.Abdivohidov tinglandi.

Shunigdek, Sharof Rashidov nomidagi Samarqand davlat universiteti “Raqamli iqtisodiyot” kafedrasi dots.nti, i.f.n.M.Xalmurzayev va Toshkent davlat iqtisodiyot universiteti Samarqand filiali “Buxgalteriya hisobi va statistika” kafedrasi assistenti I.Qudratova tomonidan “Qishloq xo‘jaligi statistikasi” fanidan Iqtisodiyot ta’lim sohasi 60410800- Statistika (tarmoqlar va sohalar bo‘yicha) bakalavriat ta’lim yo‘nalishi kunduzgi bo‘lim talabalari uchun tayyorlangan o‘quv qo‘llanmani muhokama qilish va tavsiya etish to‘g‘risida va Toshkent davlat iqtisodiyot universiteti Samarqand filialining “Yashil iqtisodiyot va barqaror biznes” kafedrasi assistenti I.F.Umirov tomonidan “Global iqtisodiy rivojlanish” fanidan 60410100 –“Iqtisodiyot (tarmoqlar va sohalar)” ta’lim yo‘nalishi 3-bosqich talabalari uchun tayyorlangan o‘quv qo‘llanmani muhokama qilish va tavsiya etish to‘g‘risida hamda Toshkent davlat iqtisodiyot universiteti Samarqand filiali “Moliya, soliq va bank ishi” kafedrasi professori Taniyev Ahmadjon Bahromovichning “ Milliy turizm xizmatlari bozorida iqtisodiy resurslardan samarali foydalanish: nazariya va amaliyot” mavzusidagi monografiyasini ko‘rib chiqish, tasdiqlash va chop etishga tavsiya etish to‘g‘risidagi masalalar ko‘rib chiqildi.