Toshkent davlat iqtisodiyot universiteti Samarqand filialida 6-sonli Kengash yig‘ilishi bo‘lib o‘tdi. Yig‘ilish davomida filialda olib borilayotgan ta’lim, ilmiy-tadqiqot va tashkiliy faoliyat natijalari muhokama qilinib, professor-o‘qituvchilarning ilmiy-pedagogik salohiyati, izlanishlari hamda oliy ta’lim tizimi rivojiga qo‘shayotgan hissasi alohida e’tirof etildi.

Mazkur yig‘ilish doirasida “Yashil iqtisodiyot va barqaror biznes” kafedrasi dotsenti, PhD Bobur Sobirovga ko‘p yillik samarali ilmiy va pedagogik faoliyati, ilmiy-tadqiqot ishlari hamda kadrlar tayyorlashdagi xizmatlari inobatga olinib, dotsentlik ilmiy unvoni tantanali ravishda topshirildi.

Shuningdek, “Moliya, soliq va bank ishi” kafedrasi o‘qituvchisi Saidmurodov Feruz ilmiy izlanishlari muvaffaqiyatli yakunlangani munosabati bilan Falsafa doktori (PhD) diplomi bilan taqdirlandi.

Ushbu e’tiroflar professor-o‘qituvchilarning ilm-fan rivoji, ta’lim sifatini oshirish va yosh avlodni yetuk mutaxassis etib tarbiyalash yo‘lidagi fidokorona mehnatining yorqin ifodasidir. Kengash a’zolari tomonidan taqdirlangan ustozlarning kelgusidagi ilmiy va kasbiy faoliyatlariga yuqori baho berilib, ularga yangi zafarlar tilandi.