Shu munosabat bilan Toshkent davlat iqtisodiyot universiteti Samarqand filialida olimpiadaning birinchi (saralash) bosqichi tashkil etiladi. Olimpiada quyidagi fanlar bo‘yicha o‘tkaziladi: umumiy iqtisodiyot nazariyasi, moliya, soliq, bank ishi, iqtisodiy statistika va ma’lumotlar tahlili.

Olimpiadaning asosiy maqsadi talabalar o‘rtasida iqtisodiy va moliyaviy savodxonlikni oshirish, iqtidorli hamda bilimli talabalarni aniqlash, ularning nazariy bilimlarini amaliyotda qo‘llash ko‘nikmalarini rivojlantirishdan iborat.

Har bir fan bo‘yicha eng yuqori natijani ko‘rsatgan talabalar va ularning ilmiy rahbarlari I, II va III darajali diplomlar bilan taqdirlanadi hamda Nizomda belgilangan tartibda moddiy rag‘batlantiriladi. Shuningdek, g‘oliblar olimpiadaning respublika bosqichida ishtirok etish imkoniyatiga ega bo‘ladilar.

Olimpiadada ishtirok etish uchun arizalar 23-martga qadar qabul qilinadi. Mas’ul shaxs: Iqtidorli talabalarning ilmiy tadqiqot faoliyatini tashkil etish bo‘limi boshlig‘i J. Bo‘riboyev, telefon: +998 94 642 30 02. Barcha qiziquvchi va iqtidorli talabalar olimpiadada faol ishtirok etishga taklif etiladi.