Kam taʼminlangan oilalarning bitiruvchi sinfdagi farzandlari uchun tayyorlov kurslari tashkil etiladi
Toshkent davlat iqtisodiyot universiteti Samarqand filiali huzurida tayyorlov kurslari tashkil etiladi.

 Boshlanish sanasi: 2025-yil 1-noyabr
 Davomiyligi: 9 oy
 Joy: TDIU Samarqand filiali, o‘quv binolari

Tayyorlov kurslarining asosiy maqsadi — yoshlarning umumta’lim fanlari bo‘yicha bilimini mustahkamlash, oliy ta’limga tayyorlanishlari uchun qo‘shimcha sharoit yaratish hamda ijtimoiy himoya mexanizmlarini kuchaytirishdir.

Kurslar quyidagi tartibda tashkil etiladi:

Umumta’lim fanlari bo‘yicha bilimini oshirishni istagan barcha yoshlar (yoshi chegaralanmagan holda) qabul qilinadi;
Tinglovchilar (yoki ota-onasi) bilan to‘lov-shartnoma asosida o‘qitish yo‘lga qo‘yiladi;
“Kambagʻal oilalar reyestri”ga kiritilgan oilalarning bitiruvchi sinfdagi farzandlarini oʻqitish bepul asosda amalga oshiriladi;
Chin yetimlar bepul asosda, birinchi guruh nogironlar esa imtiyozli to‘lov asosida o‘qitiladi.