Rossiya Federatsiyasi Iqtisodiy rivojlanish vazirligi va Rossiya Iqtisodiy rivojlanish vazirligi qoshidagi Tashqi iqtisodiy aloqalar akademiyasi (VAFT) tomonidan Rossiya va O‘zbekiston o‘rtasidagi savdo-iqtisodiy hamkorlikni rivojlantirish, akademik aloqalarni mustahkamlash, tajriba almashinuvi va talabalar salohiyatini rivojlantirish maqsadida xalqaro talabalar loyihalari tanlovi e’lon qilinadi.

Tanlov mavzusi:
“Rossiya va O‘zbekiston o‘rtasida tovarlar va xizmatlar savdosini rivojlantirish”

Tanlov muddati:
2025-yil aprel – oktyabr

Ishtirokchilar:
Rossiya va O‘zbekistonning ijtimoiy-iqtisodiy hamda huquqiy yo‘nalishlarda tahsil olayotgan bakalavriat, magistratura va mutaxassislik bosqichlaridagi talabalari.

Tanlov 3 bosqichda o‘tkaziladi:

1. Birinchi bosqich – mamlakat ichida (aprel – may):
   Har bir oliy ta’lim muassasasi talabalar jamoasini shakllantiradi va loyiha taqdimotlarini tayyorlaydi (12 ta slayddan oshmagan). Har bir davlatdan kamida 6 ta loyiha tanlovning keyingi bosqichiga o‘tadi.
2. Ikkinchi bosqich – xalqaro yarim final (iyun – avgust):
   G‘olib jamoalar o‘z loyihalarini 5 daqiqalik video-vizitka orqali taqdim etadilar. Eng yuqori ball to‘plagan kamida 6 ta jamoa final bosqichiga yo‘l oladi.
3. Uchinchi bosqich – final (sentyabr – oktyabr):
   Talabalar jamoalari o‘z loyihalarini 8 daqiqalik og‘zaki taqdimot orqali ekspertlar hay’atiga namoyish etadilar. Tanlov yakunida eng yaxshi 3 ta jamoa aniqlanadi.

Talabalarga Rossiya va O‘zbekiston kompaniyalaridan real biznes-keýslar yechimi taklif etiladi:

• Tovar yetkazib berish logistikasini optimallashtirish,
• Ilovalar va raqamli muhitni rivojlantirish orqali ish samaradorligini oshirish,
• Brendni tanitish va uning mahsulotlarini ilgari surish,
• Innovatsiyalarni joriy etish: “aqlli do‘konlar”, onlayn kiyim sinab ko‘rish xonalari va ovozli yordamchilar,
• Mahsulotlarni muayyan mamlakat iste’molchilarining didiga moslashtirish.

Tanlov natijalari:

• 3 ta g‘olib jamoa,
• Diplomlar va esdalik sovg‘alari,
• Loyihani biznes-hamkorlar asosida amalda tatbiq etish imkoniyati.

Hamkorlik:

Tanlov doirasida Rossiya va O‘zbekistonning yetakchi universitetlari va biznes-hamjamiyat vakillari jalb etiladi.

Tanlov haqida batafsil ma’lumot va hujjatlarni rasmiy veb-sayt orqali olishingiz mumkin: https://rouz.vavt.ru
Elektron pochta: rouz@vavt.ru
Bog‘lanish uchun: Kulakova Ekaterina Nikolaevna, ilmiy faoliyatni muvofiqlashtirish direktori
Email: e-kulakova@vavt.ru | Tel: +7 966 316 3769

Tanlov tashabbuskori:
Rossiya Federatsiyasi Iqtisodiy rivojlanish vazirligi

Muddat: 2025-yil 15-iyunga qadar!