Ekologiya va yashil iqtisodiyot – kelajak garovi

TDIU Samarqand filialida “Ekologiya va yashil iqtisodiyot” ilmiy fan klubi hamda “Yosh ekologlar” harakati Samarqand viloyat Kengashi hamkorligida seminar-trening tashkil etildi. Tadbirda klub rahbari Z. Bobomurodov, Kengash raisi F. Toshpo‘latov, tajribali mutaxassislar hamda ekofaol talabalar ishtirok etishdi.

Seminar davomida ekologiya va yashil iqtisodiyotning dolzarb masalalari, atrof-muhit muhofazasi, resurslardan oqilona foydalanish, chiqindilarni qayta ishlash hamda ekologik biznes g‘oyalarni amalga oshirish bo‘yicha muhokamalar olib borildi. Talabalar o‘z savollariga javob olishdi, shuningdek, yangi tashabbus va amaliy loyihalarga ilhomlandilar.

Bunday uchrashuvlar yoshlarning ekologik tafakkurini rivojlantirish, mas’uliyat hissini kuchaytirish va ularni kelajakda barqaror rivojlanishga hissa qo‘shishga yo‘naltirishda muhim ahamiyat kasb etadi.