Dongduk Women’s University (Seul, Janubiy Koreya) K-Silkroad Turkic Studies yo‘nalishi bo‘yicha xalqaro talabalar uchun magistratura dasturiga qabul e’lon qiladi.

K-Silkroad Turkic Studies — Koreya va Turk dunyosi (Turkiya, Ozarbayjon, O‘zbekiston, Qozog‘iston, Qirg‘iziston va boshqa davlatlar) o‘rtasidagi tarixiy, lingvistik, madaniy va ijtimoiy-iqtisodiy aloqalarni o‘rganuvchi fanlararo magistratura dasturi. Dastur ilmiy tadqiqotlarni amaliy hamkorlik bilan uyg‘unlashtirib, madaniyat, diplomatiya va xalqaro siyosat sohalari uchun yetuk mutaxassislar tayyorlaydi.

ASOSIY AFZALLIKLAR:
– Koreyadagi yagona Turk dunyosi mintaqaviy tadqiqotlari dasturi
– Ta’lim tillari: koreys, ingliz va turkiy tillar
– Tarix, siyosat, madaniyat, tarjima, gender va hamkorlik fanlari
– Xalqaro loyihalar, seminarlar va stajirovkalar
– Non-thesis (dissertatsiyasiz) o‘qish imkoniyati

KONTRAKT VA YASHASH XARAJATLARI:
– Qabul to‘lovi: 895 000 KRW
– Kontrakt (1 semestr): 5 083 000 KRW
– Yotoqxona (4 kishilik, yiliga): 3 725 000 KRW

GRANT VA IMTIYOZLAR:
– Global Leader Scholarship
– Academic Excellence Scholarship
– Koreys tili bilimi uchun grant
– Teaching / Research Assistant (oyiga 2 000 000 KRW gacha)
– Turkiya, Ozarbayjon, O‘zbekiston va boshqa turkiy davlatlar fuqarolari uchun maxsus kontrakt chegirmasi va yashash paketi

QABUL TALABLARI:
– 4 yillik bakalavr diplomi (yoki bitiruvchi talaba)
– TOPIK 3 yoki undan yuqori (bilmaganlar uchun 1-yilda majburiy o‘qitiladi)
– Ota-onasi Koreya fuqarosi bo‘lmasligi
– Ba’zi fanlar ingliz yoki turk tillarida olib boriladi

TALAB ETILADIGAN HUJJATLAR:
– Ariza formasi
– Bakalavr diplomi va transkript
– Pasport nusxalari (talaba va ota-ona)
– Apostil yoki konsullik tasdig‘i
– Bank ma’lumotnomasi (kamida 20 000 000 KRW)
– Til sertifikati (TOPIK / IELTS va boshqalar)
– CV (agar mavjud bo‘lsa)

Barcha hujjatlar oxirgi 3 oy ichida berilgan bo‘lishi kerak.

Oxirgi muddat: 12-yanvar 2026
Suhbat: 14–15 yanvar 2026 (onlayn)
Natijalar: 22-yanvar 2026

Rasmiy havola: www.uwayapply.com
Elektron pochta: intl@dongduk.ac.kr