Mazkur tadbirda O‘zbekiston Respublikasi Prezidenti huzuridagi Davlat xizmatini rivojlantirish agentligi Samarqand viloyati filiali rahbar o‘rinbosari Foziljon Olimjonovich Ahatov, Samarqand shahar hokimligi Tashkiliy-kadrlar guruhi rahbari Akbar Qodirov, Samarqand viloyati hokimligi Tashkiliy-kadrlar guruhi mutaxassisi Matlab Hazratqulov, shuningdek, Toshkent davlat iqtisodiyot universiteti Samarqand filiali direktori, professor Olim Murtazaev ishtirok etdilar. Tadbir davomida talaba-yoshlarga davlat xizmatidagi islohotlar, kadrlarga qo‘yilayotgan yangi talablar, ochiq tanlovlar orqali ishga qabul qilish tizimi hamda yosh mutaxassislar uchun yaratilayotgan imkoniyatlar haqida atroflicha tushunchalar berildi. Xususan, “El-yurt umidi” jamg‘armasi orqali xorijda o‘qish va malaka oshirish imkoniyatlari haqida ham ma’lumotlar taqdim etildi. Filial direktori, professor Olim Murtazaev o‘z nutqida bugungi kunda davlat xizmatida yangi avlod rahbarlarini tayyorlash muhimligini alohida ta’kidladilar. Yoshlarga o‘z ustida ishlash, tashabbuskor bo‘lish, bilim va malakani oshirish orqali kelajakda mas’uliyatli lavozimlarni egallashlari mumkinligini takidladilar. Bunday ochiq muloqotlar yoshlar ongida kasbiy mas’uliyat, ijtimoiy faollik va davlat xizmatiga bo‘lgan ishonchni shakllantirishda, shuningdek, ularni kelajakdagi lider kadrlar sifatida tarbiyalashda muhim ahamiyat kasb etadi.