Anarbayeva Fotima Urazaliyevna 1977-yil Samarqand viloyati Bulung’ur tumanida tug’ilgan.

U 1994-1999 yillarda Alisher Navoiy nomidagi Samarqand davlat universitetini amaliy matematika mutaxassisligi bo‘yicha tamomlagan. 2008-yilda Alisher Navoiy nomidagi Samarqand davlat universiteti huzuridagi pedagog xodimlarni malakasini oshirish va qayta tayyorlash markazida “Informatika va axborot texnologiyalari” mutaxassisligi bo‘yicha qayta tayyorlov kursini tugatgan.

1998-1999 yillar Bulung‘ur tumani G‘.G‘ulom nomli 46-o‘rta maktab matematika va informatika fani o‘qituvchisi, 1999-2000 yillar Bulung‘ur qishloq xo‘jalik kasb-hunar kolleji matematika o‘qituvchisi, 2000-2005 yillar Bulung‘ur tumani 23-maktab matematika o‘qituvchisi, 2005-2008 yillar Bulung‘ur milliy hunarmandchilik kasb-hunar kolleji o‘qituvchisi, 2008-2013 yillar Toshkent axborot texnologiyalari universiteti Samarqand filiali assistenti, 2013-2015 yillar Samarqand chet tillar instituti “Informatika” kafedrasi assistenti, 2015-2020 yillar Samarqand chet tillar instituti “Axborot texnologiyalari” kafedrasi assistenti, 2020-2021 yillar Toshkent davlat iqtisodiyot universiteti Samarqand filiali “Raqamli iqtisodiyot, buxgalteriya hisobi va axborot texnologiyalari” kafedrasi assistenti, 2021-2022 yillar Toshkent davlat iqtisodiyot universiteti Samarqand filiali “Raqamli iqtisodiyot, axborot texnologiyalari va matematik usullar” kafedrasi katta o‘qituvchisi, 2022 yildan buyon Toshkent davlat iqtisodiyot universiteti Samarqand filiali “Raqamli iqtisodiyot va axborot texnologiyalari” kafedrasi dotsenti lavozimida ishlab kelmoqda.

2022-yil “Ochiq kodli platformalar asosida elektron ta’lim metodikasini takomillashtirish” mavzusida 13.00.06 – "Elektron ta’lim nazariyasi va metodikas" ixtisosligii bo‘yicha falsafa doktori (PhD) dissertatsiyasini muvafaqqiyatli himoya qildi.

O‘zbekiston Respublikasi Oliy Attestatsiya Komissiyasining 2024-yil 6-yanvardagi 348/1-sonli bayonnomasiga asosan 08.00.16. - “Raqamli iqtisodiyot va xalqaro raqamli integratsiya” ixtisosligi bo‘yicha dotsentlik ilmiy unvoni berilgan.

F.U.Anarbayeva jami 100 dan ortiq ilmiy ish jumladan, 1 ta monografiya, 3 ta dasturiy mahsulot, 2 ta o‘quv qo‘llanma, 1 ta risola, 9 ta uslubiy qo‘llanma, 15 ta uslubiy ko‘rsatma chop ettirgan. Xalqaro va respublika ilmiy jurnallarida 15 ta, ilmiy to‘plamlarda e’lon qilingan maqolalar, tezislar soni 72 tani tashkil etadi. 

Filialda tashkil etilgan “Iqtisodiyot, moliya va innovatsiyalar” ilmiy jurnalining tahrir a’zosi bo‘lib hisoblanadi.

Vazifalari

• o‘z mehnat vazifalarini halol, vijdonan bajarish, mehnat, ijro va o‘quv intizomiga rioya qilish;
• barcha o‘quv shakllari (ishlab chiqarishdan ajralgan va ishlab chiqarishdan ajralmagan hollarda) bo‘yicha oliy ta’limning Davlat ta’lim standartlariga muvofiq tuzilgan o‘quv rejalarda belgilangan ma’ruzalar, laboratoriya, amaliy va boshqa turdagi mashg‘ulotlarni yuksak nazariy, ilmiy-uslubiy va kasbiy darajada o‘tkazish;
• talabalarning malakaviy amaliyoti, kurs loyihalari (ishlariga), bitiruv malakaviy ishlari, magistrlik dissertatsiyalari, shuningdek, mustaqil ishlariga rahbarlik qilish;
• talabalar bilimining reyting nazoratini amalga oshirish;
• talabalarning auditoriyadan tashqari ishlarini tashkil etish bo‘yicha tadbirlar o‘tkazish;
• rivojlangan demokratik davlatlar darajasidagi yuksak ma’naviy va axloqiy talablarga javob beruvchi yuqori malakali kadrlarni tayyorlash;
• kafedra fanlari bo‘yicha o‘quv dasturlarni ishlab chiqish va belgilangan tartibda tasdiqqa taqdim etish, shuningdek, turdosh kafedralar tomonidan tayyorlangan o‘quv dasturlarga taqriz va xulosalar tayyorlash;
• darslik, o‘quv, uslubiy va ko‘rgazmali qo‘llanmalarni tayyorlash, shuningdek, oliy o‘quv yurti rektoratining topshirig‘iga binoan qayta nashr etiladigan darslik, o‘quv qo‘llanma va o‘quv-uslubiy adabiyotlar, jumladan, xorijiy olimlar bilan hammualliflikda tayyorlangan adabiyotlarga xulosalar tuzish;
• nodavlat ta’lim muassasalarining buyurtmalari bo‘yicha zaruriy o‘quv- uslubiy adabiyotlarni tayyorlashda ishtirok etish;
• iqtidorli talabalar bilan ishlash, ularni olimpiada va tanlovlarda, jumladan, “El-yurt umidi” jamg‘armasi tanlovida ishtirok etishga tayyorlash, talabalarning mustaqil tayyorlanish shakl va uslublarini takomillashtirish; auditoriya ishlarini optimallashtirish hisobiga mustaqil tayyorlanish hajmini oshirish bo‘yicha choralar ko‘rish;
• tasdiqlangan rejaga muvofiq ilmiy  tadqiqot ishlarini olib borish, tugallangan ilmiy tadqiqot ishlarini muhokama etish va ularning natijalarini ishlab chiqarishga joriy etish, tugatilgan ilmiy ishlarni nashr etishga tavsiya berish;
• ta’lim, fan va ishlab chiqarishning samarali integratsiyasini ta’minlash; talabalarning ilmiy tadqiqot ishlariga rahbarlik qilish; mustaqil tadqiqotchilarga rahbarlik qilish.
• tajribali o‘qituvchilarning ish tajribalarini o‘rganish, umumlashtirish va tarqatish, yangi pedagogik texnologiyani joriy etish;
• pedagogik faoliyat bilan shug‘ullanishni boshlagan o‘qituvchilarga pedagogik mahoratini egallashda yordam berish; axborot bazasini yaratish, o‘quv mashg‘ulotlarini o‘tkazish jarayonida zamonaviy o‘quv texnika vositalaridan va yakka tartibda o‘qitish, mustaqil ta’lim olish vositalaridan foydalanish;
• masofali ta’lim tizimini rivojlantirish; xorijiy o‘quv yurtlarining ish tajribasini yoritib borish;
• raqobatbardosh va ilmiy  pedagogik kadrlarni tayyorlash; kafedra a’zolari yoki rektorat topshirig‘iga binoan boshqa tadqiqotchilar tomonidan himoyaga taqdim etilgan dissertatsiyalarni ko‘rib chiqish; ta’lim hujjatlarining ekvivalentligini belgilash bo‘yicha ekspert guruhlari tarkibida ishtirok etish;
• budjetdan tashqari mablag‘larni jalb etish, shuningdek, ilmiy texnikaviy yordam ko‘rsatish maqsadida sanoat, qishloq xo‘jalik korxonalari, dehqon, fermer va boshqa xo‘jaliklar bilan aloqa o‘rnatish;
• universitetni bitirganlar bilan muntazam aloqalarni tashkil etish;
• kafedra profili bo‘yicha mutaxassislar malakasini oshirish bo‘yicha tadbirlar o‘tkazish;
• ta’lim xizmati ko‘rsatish tizimini keng rivojlantirish;
• xorijiy hamkorlar, ilmiy va ta’lim muassasalari bilan xalqaro aloqalarni rivojlantirish.