Eshimov Raxmon Rustamovich 1989-yilda tug‘ilgan, millati o‘zbek. Uch nafar farzandi bor. 

2011-yilda Muhammad al-Xorazmiy nomidagi Toshkent davlat axborot texnologiyalari universiteti Samarqand filiali “Informatika va axborot texnologiyalari” yo’nalishi bo‘yicha tamomlagan. 2013-yilda Muhammad al-Xorazmiy nomidagi Toshkent davlat axborot texnologiyalari universiteti Samarqand filiali “Kompyuter tizimlari va ularning dasturiy ta’minoti” mutaxassisligini tamomlagan.

2022-yil 1-fevraldan buyon pedagogika fanlari bo‘yicha falsafa doktori ilmiy darajasiga ega.

2021-yil 24-dekabr kuni Toshkent viloyati Chirchiq davlat pedagogika instituti huzuridagi DSc.03/30.04.2021.Ped.82.03 raqamli Ilmiy Kengashda “Maxsus maktab internatlar ta’limiga oid kompyuter imitatsion modellar yaratish va joriy etish texnologiyalari (6-7 sinf fizika darsligi misolida)” mavzusida 13.00.06 – Elektron ta‘lim nazariyasi va metodikasi bo‘yicha falsafa doktori (PhD) dissertatsiyasini muvafaqqiyatli himoya qilgan.

Unga O‘zbekiston Respublikasi Oliy Attestatsiya Komissiyasining 2022-yil 1-fevraldagi 311/1-sonli bayonnomasiga asosan pedagogika fanlari bo‘yicha falsafa doktori (PhD) ilmiy darajasi berilgan (01№006245).

Umumiy ish staji 15 yil, ilmiy va pedagogik ish staji 13 yil.

Mehnat va ilmiy pedagogik faoliyatining asosiy bosqichlari:

• 2011-2013 yy. Samarqand axborot kommunikatsiya texnologiyalari va sanoat kasb-hunar kolleji ishlab chiqarish ta’lim ustasi;

• 2013-2014 yy. Samarqand axborot kommunikatsiya texnologiyalari va sanoat kasb-hunar kolleji bo’lim boshlig’i;

• 2014-2017 yy. Samarqand davlat arxitektura-qurilish instituti “Axborot resurs markazi Axborot texnologiyalari” bo’lim mudiri;

• 2017-2019 yy. T.N.Qori Niyoziy nomidagi O’zbekiston Pedagogika fanlari ilmiy tadqiqot instituti katta ilmiy xodim izlanuvchisi;

• 2019-2020 yy. Samarqand viloyat xalq ta’limi xodimlarini qayta tayyorlash va ularning malakasini oshirish hududiy markazi “Aniq va tabiiy fanlar metodikasi” kafedrasi o’qituvchisi;

• 2020-2022 yy.     Mirzo Ulug’bek nomidagi Samarqand davlat arxitektur-qurilish instituti “Axborot texnologiyalari” kafedrasi o’qituvchisi;

• 2023-2023 yy.    Mirzo Ulug’bek nomidagi Samarqand davlat arxitektur-qurilish instituti “Axborot texnologiyalari” kafedrasi dotsenti v.b.

• 2023-2024 yy.   Toshkent davlat iqtisodiyot universiteti Samarqand filiali "Raqamli iqtisodiyot va axborot texnologiyalari" kafedrasi dotsenti v.b

• 2024- y.x.v Toshkent davlat iqtisodiyot universiteti Samarqand filiali "Raqamli iqtisodiyot va axborot texnologiyalari" kafedrasi dotsenti

R.R.Eshimov magistratura mutaxassisligi va bakalavr ta‘lim yo‘nalishidagi talabalarga “Iqtisodiyotda axborot kommunikatsiya tizimlari va texnologiyalari”, “Dasturlash texnologiyalari”, “Raqamli biznes modellar”, “Ma’lumotlar bazasi”, “Tadqiqot usullari va ko’nikmalari”, “Java dasturlash tili”, “Dasturlashga kirish”, “Operatsion tizimlar”, “Maxsus fanlarni o‘qitish metodikasi”, “Grafik dasturiy ta’minot” fanlaridan ma’ruza va amaliy mashg’ulotlarini olib boradi.

Jumladan, 2022-2023-o‘quv yilida magistratura bosqichining 70310501 -Raqamli iqtisodiyot, 70410101-Buxgalteriya hisobi(tarmoqlar va sohalar bo'yicha), 70310102-Iqtisodiyot (tarmoqlar va sohalar bo'yicha) mutaxassisligiga 20 soat ma‘ruza, 22 soat amaliy mashg‘ulot, bakalavr bosqichining 60410400- Moliya va moliyaviy texnologiyalar ta’lim yo‘nalishlariga ma’ruza, 60310500 – Raqamli iqtisodiyot (tarmoqlar va sohalar bo’yicha), 60410100-Buxgalteriya hisobi va audit (tarmoqlar bo‘yicha) yo‘nalishlariga 34 soat ma‘ruza, 74 soat amaliy va laboratoriya mashg‘ulot darslarini olib bordi. Malayziya va Litva bilan qo’shma ta’lim dasturlari 60310500 – Raqamli iqtisodiyot (RIQ), 60610200-Axborot tizimlari va texnologiyalari (Raqamli boshqaruv va barqaror rivojlanish) yo‘nalishlariga 120 soat ma‘ruza, 80 soat semenar mashg’ulot darslarini olib bordi.

R.R.Eshimov o‘quv mashg‘ulotlarini “Keys stadi”, “Aqliy hujum”, “Klaster”, “Blis-so‘rov”, “Sinkveyn”, “BBB”, “T jadvali”, “Besh minutlik esse”, “Nilufar guli”, “Venn diagrammasi”, “Rezyume” kabi interfaol usullarda tashkil qilib, mashg‘ulotlarda axborot texnologiyalaridan (kompyuter dasturlari va texnik vositalardan) unumli va o‘rinli foydalanadi. Fanlar bo‘yicha taqdimotlar va elektron o‘quv kurslarini ishlab chiqishda kompyuter dasturiy tizimlaridan hamda Moodle platformasidan foydalanib keladi.  

Jumladan, “Dasturiy ta’minot” fanidan ma‘ruza mashg‘ulotlarini yoritish bo‘yicha “Shaxsiy kompyuter arxitekturasi va unga xizmat ko’rsatish” nomli o‘quv qo‘llanmaning yakka muallifidir hamda “Axborot texnologiyalari qurilmalariga apparat va dasturiy ta`minotni o’rnatish va ularga texnik xizmat ko’rsatish” nomli o‘quv qo‘llanmaning hammuallifi hisoblanadi.

R.R.Eshimov jami 60 ta ilmiy ish jumladan, 2 ta o’quv qo’llanma, 8 ta dasturiy mahsulot, 9 ta uslubiy ko’rsatma chop ettirgan. Xalqaro va respublika ilmiy jurnallarida 20 ta, ilmiy to‘plamlarda e’lon qilingan maqolalar, tezislar soni 34 tani tashkil etadi. O‘zbekiston Respublikasi Oliy attestatsiya komissiyasining doktorlik dissertatsiyalari asosiy ilmiy natijalarini chop etishga tavsiya etilgan ilmiy nashrlarda 18 ta maqola, shundan 15 ta respublika va 3 ta xorijiy jurnallarda chop etilgan.

Dosent lavozimi vazifalari:

•  o’z mehnat vazifalarini halol, vijdonan bajarish, mehnat, ijro va o’quv intizomiga rioya qilish;
• barcha o’quv shakllari (ishlab chiqarishdan ajralgan va ishlab chiqarishdan ajralmagan hollarda) bo’yicha oliy ta’limning Davlat ta’lim standartlariga muvofiq tuzilgan o’quv rejalarda belgilangan ma’ruzalar, laboratoriya, amaliy va boshqa turdagi mashg’ulotlarni yuksak nazariy, ilmiy-uslubiy va kasbiy darajada o’tkazish;
• talabalarning malakaviy amaliyoti, kurs loyihalari (ishlariga), bitiruv malakaviy ishlari, magistrlik dissertasiyalari, shuningdek, mustaqil ishlariga rahbarlik qilish;
• talabalar bilimining reyting nazoratini amalga oshirish;
• talabalarning auditoriyadan tashqari ishlarini tashkil etish bo’yicha tadbirlar o’tkazish;
• rivojlangan demokratik davlatlar darajasidagi yuksak ma’naviy va axloqiy talablarga javob beruvchi yuqori malakali kadrlarni tayyorlash;
• kafedra fanlari bo’yicha o’quv dasturlarni ishlab chiqish va belgilangan tartibda tasdiqqa taqdim etish, shuningdek, turdosh kafedralar tomonidan tayyorlangan o’quv dasturlarga taqriz va xulosalar tayyorlash;
• darslik, o’quv, uslubiy va ko’rgazmali qo’llanmalarni tayyorlash, shuningdek, oliy o’quv yurti rektoratining topshirig’iga binoan qayta nashr etiladigan darslik, o’quv qo’llanma va o’quv-uslubiy adabiyotlar, jumladan, xorijiy olimlar bilan hammualliflikda tayyorlangan adabiyotlarga xulosalar tuzish;
• nodavlat ta’lim muassasalarining buyurtmalari bo’yicha zaruriy o’quv- uslubiy adabiyotlarni tayyorlashda ishtirok etish;
• iqtidorli talabalar bilan ishlash, ularni olimpiada va tanlovlarda, jumladan, “El-yurt umidi” jamg’armasi tanlovida ishtirok etishga tayyorlash, talabalarning mustaqil tayyorlanish shakl va uslublarini takomillashtirish; auditoriya ishlarini optimallashtirish hisobiga mustaqil tayyorlanish hajmini oshirish bo’yicha choralar ko’rish;
• tasdiqlangan rejaga muvofiq ilmiy  tadqiqot ishlarini olib borish, tugallangan ilmiy tadqiqot ishlarini muhokama etish va ularning natijalarini ishlab chiqarishga joriy etish, tugatilgan ilmiy ishlarni nashr etishga tavsiya berish;
• ta’lim, fan va ishlab chiqarishning samarali integrasiyasini ta’minlash; talabalarning ilmiy tadqiqot ishlariga rahbarlik qilish; mustaqil tadqiqotchilarga rahbarlik qilish.
• tajribali o’qituvchilarning ish tajribalarini o’rganish, umumlashtirish va tarqatish, yangi pedagogik texnologiyani joriy etish;
• pedagogik faoliyat bilan shug’ullanishni boshlagan o’qituvchilarga pedagogik mahoratini egallashda yordam berish; axborot bazasini yaratish, o’quv mashg’ulotlarini o’tkazish jarayonida zamonaviy o’quv texnika vositalaridan va yakka tartibda o’qitish, mustaqil ta’lim olish vositalaridan foydalanish;
• masofali ta’lim tizimini rivojlantirish; xorijiy o’quv yurtlarining ish tajribasini yoritib borish;
• raqobatbardosh va ilmiy  pedagogik kadrlarni tayyorlash; kafedra a’zolari yoki rektorat topshirig’iga binoan boshqa tadqiqotchilar tomonidan himoyaga taqdim etilgan dissertasiyalarni ko’rib chiqish; ta’lim hujjatlarining ekvivalentligini belgilash bo’yicha ekspert guruhlari tarkibida ishtirok etish;
• byudjetdan tashqari mablag’larni jalb etish, shuningdek, ilmiy texnikaviy yordam ko’rsatish maqsadida sanoat, qishloq xo’jalik korxonalari, dehqon, fermer va boshqa xo’jaliklar bilan aloqa o’rnatish;
• universitetni bitirganlar bilan muntazam aloqalarni tashkil etish;
• kafedra profili bo’yicha mutaxassislar malakasini oshirish bo’yicha tadbirlar o’tkazish;
• ta’lim xizmati ko’rsatish tizimini keng rivojlantirish;
• xorijiy hamkorlar, ilmiy va ta’lim muassasalari bilan xalqaro aloqalarni rivojlantirish.

Bilishi kerak: pedagogik faoliyatiga tegishli me’yoriy-huquqiy hujjatlar, qonunlar, Vazirlar Mahkamasining qarorlari, Vazirlikning Hay’at qarorlari, buyruqlari, universitet rektori buyruqlarining mohiyatini bilishi, kafedraning yillik va istiqbolli rejalarini.

Malaka talablari:

·  pedagogik faoliyatida zarur bo’lgan kasbiy va tashkilotchilik qobiliyatlariga, ta’lim sohasida ish tajribasi va stajiga, faoliyat turi va vakolatlari doirasida tegishli bilim va ko’nikmalarga ega bo’lishi;

·  universitetda bakalavr va magistrlar tayyorlash yo’nalishlari va mutaxassisliklaridan biri bo’yicha fan nomzodi ilmiy darajasiga, dosent ilmiy unvoniga ega bo’lishi zarur;

namunaviy shaxsiy fazilatlarga - intellekt, madaniyati, ijodiy, xushmuomalalik va tashabbuskorlik qobiliyatlariga ega bo’lish, mas’uliyat hissi, mustaqil qaror qabul qilish va ish tutish, qat’iy harakat qilish, muassasa strategik maqsadlariga erishishni ta’minlash xususiyatlariga ega bo’lishi zarur.