Joriy yilning 8-oktyabr kuni TDIU Samarqand filiali  Iqtisodiyot fakulteti "Qishloq xo‘jaligi iqtisodiyoti" 122-guruh va "Oziq - ovqat resurslar iqtisodiyoti" 123-guruh ta’lim yo‘nalishlari talabalari fan o‘qituvchilari E.I.Xamdamova va E.Z.Isaqovalar hamrohligida “Oziq-ovqat mahsulotlarini saqlash va qayta ishlash” fanidan “Don va don mahsulotlarini saqlash va qayta ishlash” mavzusidan ko‘chma amaliy darsni Jomboy tumanidagi " Jomboy don mahsulotlari AJ"da o‘tkazishdi. Ko‘chma dars mobaynida talabalar donni saqlash elevatorida bo‘lishib, donni saqlash jarayonidagi ishlarni ko‘zdan kechirishdi. Shu o‘rinda «Jomboy don» haqida ikki og‘iz. Korxonaning qurilish ishlari 1968 yilda boshlangan. 1974 yilda faoliyatini boshlagan bo‘lib fermerlardan yillik don qabul qilish elevatori 100 ming tonnaga teng. Talabalar so‘ngra donni qayta ishlash bo‘limida bo‘lishib un va manniy yormasi ishlab chiqarish jarayonlarni amalda ko‘rishib, Turkiyaning «Erkan Makina» kompaniyasi ishlab chiqaruvchi yangi quvvat tejamkor tegirmon 1,4 million AQSh dollari evaziga olib kelib o‘rnatilgan bo‘lib. Quvvat tejamkor bu tegirmon atmosferaga oddiy tegirmonlardan 0,6 foiz kamroq chang chiqaradi. Tegirmon soatiga 20 tonna bug‘doyni qayta ishlay oladi. O‘rnatilgan 20 dona stanoklar kuniga 300 tonna donni qayta ishlash quvvatiga ega. Jomboydagi kombinatning 1993 yil o‘rnatilgan oldingi tegirmoni 1 tonna bug‘doyni qayta ishlash uchun 115 kVt quvvat sarflagan bo‘lsa, yangi uskuna bu uchun 75 kVt elektr quvvati sarflaydi. Talabalar ko‘chma dars davomida o‘zlarini qiziqtirgan savollarga javoblar olishdi.