Trening semenar koordinatori “Raqamli iqtisodiyot va axborot texnologiyalari” kafedrasi assistenti A.Abdunabiyev tomonidan XEMIS tizimida professor-o’qituvchilar uchun mustaqil ta’lim topshiriqlarini bajarilishini boshqarish va baholash bo’yicha seminar-treningda bir qancha masalalar ko’rib chiqildi.

1.XEMIS tizimida professor-o’qituvchilar uchun imkoniyatlar: Har bir o’qituvchining shaxsiy kabineti, fanlar va talabalar bo’yicha ma’lumotlarga kirish, baho va topshiriqlarni ko’rish va nazorat qilish bo’yicha dastlabki tushunchalar berildi.

2.Mustaqil ta’lim topshiriqlarini tayyorlash va yuklash: o’qituvchilarga mustaqil ta’lim topshiriqlarini yaratish, talabalarga yetkazish uchun tizimga yuklash jarayonlari ko’rsatildi. Shuningdek, turli formatdagi resurslar (matnli, audio, video) yuklash va ulardan foydalanish bo’yicha qo’llanmalar berildi.

3.Baholash va qayta aloqa: o’qituvchilar talabalar topshiriqlarini tekshirish va tizim orqali baho kiritish, talabalarga to’g’ridan to’g’ri qayta aloqa berish usullari bilan tanishtirildi. Topshiriqlarni baholash uchun elektron baholash mezonlari va hisobotlarni ko’rish imkoniyatlari o’rganildi.

4.Mustaqil ta’lim jarayonini monitoring qilish: o’qituvchilar talabalarning mustaqil ta’lim topshiriqlari bo’yicha faoliyatini kuzatish, jarayonni tahlil qilish va talabalarga yordam ko’rsatish uchun monitoring qilish vositalaridan foydalanish bo’yicha ma’lumotlar olishdi.

5.Texnikaviy muammolar va qo’llab-quvvatlash: tizimdan foydalanish davomida uchrashi mumkin bo’lgan asosiy muammolar, ularning yechimlari va qo’llab-quvvatlash xizmati bilan ishlash tartibi o’rganildi.

Seminar trening davomida real amaliyot orqali ko’nikmalar shakllantirildi, o’qituvchilarga zamonaviy ta’lim jarayonini samarali boshqarish va talabalarni mustaqil ta’limda faollashtirish imkoniyatlari bilan tanishish imkoni yaratildi.