Joriy yilning 13-noyabr kuni filialda talabalar bilan “Jaholatga qarshi ma’rifat”, “Men terrorizm xavfini qanday tushunaman?” va “Ajdodlarga munosib avlod bo‘laylik” kabi mavzularda targ‘ibot-tashviqot tadbirlari o‘tkazildi.

Tadbirda Samarqand viloyati Din ishlari bo‘yicha qo‘mita rahbari Sohibnazar Mardonovich Boymurodov, Samarqand viloyati Oliy ta’lim, fan va innovatsiyalar boshqarmasi mutaxassisi Ismat Shodmonovich Juliyevlar ishtirok etishdi.

Tadbir davomida talabalarga dunyoda hech bir din u xoh xristianlik bo‘lsin, xoh buddizm, yahudiylik dini bo‘ladimi insonlarni hech qachon yovuzlikka, qo‘poruvchilikka, qo‘rqitishga, da’vat qilmasligi, balki insonlarni ezgulikka, diyonatga, halollikka undovchi vosita bo‘lib xizmat qilishi hamda diniy ekstremistik guruhlarning “Din” yo‘lida olib borayotgan qo‘poruvchilik harakatlari mutlaqo asossiz ekanligi ta’kidlab o‘tildi. Shuningdek, hozirgi kunda mamlakatimizda va butun dunyoda olib borilayotgan ekstremistik va terroristik harakatlarning aksariyati aynan islom dini niqobi ostida sodir etilayotganligi muqaddas dinimizga bo‘lgan munosabatni biroz salbiylashtirayotganligi haqida talabalarga ma’lumotlar berildi.

Uchrashuv yakunida talabalar o‘zlarini qiziqtirgan savollarga mutaxassislardan javob olishdi.

Tadbir so‘ngida, talabalarga videofilm ham namoyish etildi namoyish etildi.