Seminar-treningda, emotsiyalarning inson munosabatlari va hatti-harakatlariga ta’siri haqida keng fikr yuritildi. Dangasalikni yengish va shaxsiy muvaffaqiyatga erishishda o‘ziga bo‘lgan ishonchning ahamiyati alohida ta’kidlandi. Talabalarga agressiyani yengishda amaliy mashqlar va texnikalar namoyish etildi. Ushbu usullar orqali talabalar hissiyotlarni nazorat qilish, stressli vaziyatlarda to‘g‘ri qaror qabul qilish va o‘zaro munosabatlarni ijobiy boshqarish bo‘yicha bilimlarini mustahkamladilar.  Seminarda talabalar psixologik savodxonlik, emotsional intizom va shaxsiy rivojlanish borasida o‘zlarida yangi motivatsiya hosil qildilar va treninglar talaba-yoshlarning o‘z qobiliyatlari va imkoniyatlarini ro‘yobga chiqarishda kuchli psixologik tayanch yaratib, ularga kelajakda muvaffaqiyatli hayot sari ishonch bilan qadam tashlashda yordam beradi. Uchrashuvda filial psixologi Oripov Zarifbay hamda  “iqtisodiyot” fakultetining ta'lim-tarbiya maslahatchisi Umirzokov Sharof va talabalar qatnashdilar.