Korrupsiya masalasi dunyo miqyosida hal etilishi lozim bo‘lgan eng asosiy global muammolardan biridir. Bu muammo har qanday davlat va jamiyatning ijtimoiy-siyosiy va iqtisodiy rivojlanishiga jiddiy putur yetkazadigan, inson huquq va erkinliklarining poymol bo‘lishiga olib keladigan salbiy illatdir. Shuning uchun ham bugungi kunda korrupsiyaga qarshi kurashish masalasi xalqaro ahamiyat kasb etib, jahon siyosatining muhim masalalari qatoridan joy oldi.

9-dekabr “Xalqaro korrupsiyaga qarshi kurashish kuni” munosabati bilan, Toshkent davlat iqtisodiyot universiteti Samarqand filialida Aksilkorrupsiya oyligi” doirasida “Ochiq eshiklar kuni” bo‘lib o‘tdi. Tadbir doirasida, korrupsion holatlarni oldini olish va uni jamiyatimizda ildiz otishiga yo‘l qo‘ymaslik va uning taraqqiyotga qanchalik xavf soluvchi illat ekanligi haqida ma’ruzalar tinglandi. Tadbirda filial rahbariyati, ota-onalar, huquq-tartibot idoralari vakillari, o‘qituvchilar, talaba-yoshlar taklif etildi.

Oylik doirasida filialda o‘tkazilgan tadbirlar g‘oliblari taqdirlandilar.