Ushbu uchrashuvda filial direktori, professor O.Murtazayev, Yoshlar masalalari, ma’naviy va ma’rifiy ishlar boʻyicha birinchi oʻrinbosari H.Turdibekov, Iqtisodiyot fakulteti dekan G'.Ibragimov hamda "Ta'lim sifatini nazorat qilish bo'limi" boshlig'i I.G'aniyev qatnashishdi. Filial direktori o'z nutqida keyingi yillarda ta'lim sohasidagi islohotlar, talabalarning ijtimoiy faolligi va ilmiy ishlanmalardagi yutuqlar haqida alohida ta'kidladi.
Uchrashuvning asosiy maqsadi talaba yoshlar bilan bevosita muloqot qilish, ularning muammolarini tinglash va yechim topish, shuningdek, taklif va tashabbuslarini qo‘llab-quvvatlashdan iborat bo'ldi. Uchrashuvda talabalar o'zlarini qiziqtirgan savollar berishdi va filialdagi o'qish jarayoni, ijtimoiy-iqtisodiy dasturlar hamda talabalarga yordam ko'rsatish bo'yicha fikrlar almashinildi.

Uchrashuv so'ngida direktor va talabalar o'rtasida ishchan hamkorlikni yanada rivojlantirish va filialdagi hayot sifatini yaxshilashga qaratilgan qo'shimcha chora-tadbirlar haqida kelishib olindi.