“AGROMIR" MCHJ – ekologik toza oziq-ovqatlarining ishlab chiqarilishi va tarqatilishi bo‘yicha faoliyat yuritayotgan korxonalar qatoridadir. Ishlab chiqarilgan mahsulotlar tarkibiga tabiiy sharbatlar, meva-sabzavot konservalari, konsentratlari, pasta va pyurelari, uzumdan tayyorlangan musallas mahsulotlari, meva-sabzavot konservalari ishlab chiqaradigan korxona hisoblanadi. Korxona 2009-yilda ISO 9001:2008 sifat menejmenti tizimi bo‘yicha sertifikatsiyadan o‘tkazilgan.Korxona zamonaviy texnologiyalar bilan 2011-yilda Tetra Pak Servise S.A. (Shveytsariya) kompaniyasining tabiiy meva va sabzavot sharbatlari va nektarlarini ishlab chiqarish va 0,2 va 1 litrli o‘ramlarga quyish uskunasini xarid qilib, o‘rnatib ishga tushirilgan.

Ko‘chma dars davomida talabalar turli xil mevalardan “AGROMIR” MCHJ ishlab chiqarish quvvatlarida “BLISS” va “MEVAJUISE” kabi respublikamizda mashhur sharbat brendlari, shuningdek “MARINELLE” va “AGROMIR” brendlari ostidagi konserva mahsulotlari va mevalar assortimentidan povidlo, jem, meva pastalari ishlab chiqarish bo‘limida ham bo‘lishib, ish jarayonlarini kuzatishdi.

AGROMIR MCHJ da 1 sutka davomida 6 tonna tomat pastasi va 3 tonna meva, jem, povidlo va pastalari ishlab chiqarish quvvatiga ega korxonalardan.

Mahsulot ishlab chiqarish ko‘lami respublikamizda 46% bozorni egallagan bo‘lsa Rossiya, Qozog‘istonga, Italiya, Gruziya, Ozarbayjon, Ruminiya va boshqa chet mamlakatlarga eksport qilinishi ham mahsulotning sifatliligini isbotlaydi. Ko‘chma darsda talabalar amaliy jihatdan qiziqtirgan savollarga javoblar olishdi va ko‘tarinki ruhda ko‘chma darsga yakun yasaldi.