2024-yil 23-dekabr kuni “Tabiiy, ijtimoiy fanlar va jismoniy madaniyat” kafedrasi dotsenti E.I.Xamdamova rahbarligida Iqtisodiyot fakulteti 3-bosqich 60310100-Iqtisodiyot (oziq-ovqat va resurslar iqtisodiyoti) ta’lim yo‘nalishi talabalari “Barqaror rivojlanish asoslari” fanidan dasturda belgilangan ko‘chma amaliy mashg‘ulot darsi yuzasidan Samarqand davlat universiteti, Biologiya fakultetiga qarashli “Zoologiya muzeyi” va “O‘quv-tajriba issiqxonasiga” bordilar.  Muzey O‘zbekistondagi eng yirik tabiiy tarix muzeylaridan biri bo‘lib, 1934-yilda tashkil etilgan. Hozirgi kunda  ilmiy to‘plamlarida 5000 dan ortiq eksponatlar mavjud. Muzeyning umumiy maydoni 270 kvadrat metrni tashkil etadi, shundan 140 m² ekspozitsiya uchun, 120 m² esa xoldinglar uchun. Muzeyda O‘zbekiston va boshqa mamlakatlarning “Qizil kitobi”ga kiritilgan qushlar, sudralib yuruvchilar, baliq va hasharotlarning eksponatlari taqdim etilgan. 

Shundan so‘ng, talabalar issiqxona o‘quv-tajriba uchastkasiga bordilar.  Issiqxona 1970-71-yillarda qurilgan bo‘lib, hozirda dorivor, mevali va manzarali o‘simliklarning 250 dan ortiq turi, navlari va shakllari saqlanadi. U yerda talabalar o‘zlarining ilmiy ishlarini har xil tabiiy kuzatishlarini olib borib, natijalarini tahlil qilishadi.

Guruh talabalari ko‘chma mashg‘ulot darslarida ko‘plab o‘zlarini qiziqtirgan savollarga javoblar olishdi va ma’lumotlarga ega bo‘lishdi.