Ushbu uchrashuvda Filial direktori, professor O.Murtazayev, Ta’lim sifatini nazorat qilish bo’lim boshlig’i I.Gʻaniyev, Oʻquv uslubiy boshqarma boshligʻi Z.Bobomurodov, Korrupsiyaga qarshi kurashish "Komplayens nazorat" boʻlimi boshlig'i A.Axmedov, Iqtisodiyot fakulteti dekani Gʻ.Ibragimov, kafedra mudiri O.Pardayeva, filial yetakchisi F.Toshpo'latov, dekan o‘rinbosari L.Eshonqulov va Ta’lim tarbiya maslahatchisi O.Norboyev hamda MR-124, ATT-124-guruh talabalari qatnashishdi. 
 Filial direktori oʻz nutqida taʻlim sohasidagi oʻzgarishlar, talabalarning ijtimoiy faolligi va ilmiy ishlanmalardagi yutuqlarni alohida ta’kidladi. Uchrashuvning asosiy maqsadi talaba yoshlar bilan bevosita muloqot qilish, ularning muammolarini oʻrganish va ularga yechim topishga ko‘maklashish, shuningdek, taklif va tashabbuslarini qo‘llab-quvvatlashdan iborat boʻldi. Shuningdek, uchrashuvda talabalar oʻzlarini qiziqtirgan savollarni berishdi va filialdagi oʻqish jarayoni, ijtimoiy dasturlar hamda talabalarga yordam koʻrsatish boʻyicha fikrlar almashishdi.

Uchrashuv soʻngida direktor va talabalar oʻrtasida ishchan hamkorlikni yanada rivojlantirish va filialdagi hayot sifatini yaxshilashga qaratilgan qoʻshimcha chora-tadbirlar kelishib olindi. Tadbirning muvaffaqiyatli oʻtishi, filial va talaba jamoasi oʻrtasidagi oʻzaro ishonchni mustahkamladi.