2025-yil 6-fevral kuni TDIU Samarqand filialining Buxgalteriya hisobi va moliya fakulteti 3-bosqich, “Soliqlar va soliqqa tortish” (faoliyat turlari bo‘yicha) ta’lim yo‘nalishi talabalari uchun dual ta’lim shaklidagi malakaviy amaliyoti boshlandi.
Mazkur amaliyot TDIU Samarqand filiali direktorining 2025-yil 25-yanvardagi “2024-2025 o‘quv yilida kunduzgi ta’lim shakli 3-bosqich talabalarining dual ta’lim shaklida amaliyotini tashkil etish to‘g‘risida”gi buyrug‘iga muvofiq tashkil etildi.
Shu munosabat bilan, TDIU Samarqand filiali “Soliqlar va soliqqa tortish” (faoliyat turlari bo‘yicha) ta’lim yo‘nalishining ST-122-guruh talabalari uchun Samarqand viloyati Soliq boshqarmasida (haftaning payshanba va juma kunlari) “Dual” ta’lim amaliyoti tashkil qilindi va 2025-yil 6-fevral kuni talabalar amaliyoti bo’limi boshlig’I S.Karimov hamda “Dual” ta’lim amaliyot rahbari Sh.Tuychiyev tomonidan ushbu talabalarga tushunchalar berildi. 
Bu amaliyot talabalar uchun nazariy bilimlarini amaliyot bilan mustahkamlash va kasbiy ko‘nikmalarini rivojlantirish imkoniyatini taqdim etadi.