Joriy yilning 4-fevral kuni O.Pardayeva rahbarligidagi "Lider Qizlar" klubi tomonidan "Resin Art" qo'l mehnati san'ati bo'yicha bepul mashg'ulot tashkil etildi.Bu o'ziga xos tadbir san'at va ijodga qiziqadigan qizlar uchun ajoyib imkoniyat yaratdi! 

Mashg'ulotni Resin Art sohasida tajribaga ega mutaxassis D.Xudoyberdiyeva olib bordi. U qatnashchilarga resin  art san'ati haqida chuqur tushunchalar berib, rang-barang materiallar yordamida ijod qilishni o'rgatdi. "Lider Qizlar" klubi a'zolari hamda bir qator talaba qizlar ushbu san'atga qiziqish bildirib, faol ishtirok etdilar.

Ushbu mashg'ulot nafaqat yangi bilimlar va ko'nikmalarni o'zlashtirishga yordam berdi, balki qizlarning ijodiy salohiyatlarini yanada rivojlantirishga xizmat qildi. Hamda "Lider Qizlar" klubi tomonidan tashkil etilgan bunday tadbir, yosh qizlarning bo'sh vaqtini mazmunli o'tkazib, ijodiy salohiyatini yanada kengaytirishlariga katta yordam beradi.