Iqtisodiyot fakulteti talabalari ishtirokida “Odam savdosi – davr muammosi” mavzusida davra suhbati bo‘lib o‘tdi. Tadbirda filial yuriskonsulti M. Xolmatov, Iqtisodiyot fakulteti ta’lim-tarbiya maslahatchisi Sh. Bektemirov hamda AIF-112 guruh talabalari ishtirok etishdi.

Davra suhbati davomida bugungi kunda dunyo miqyosida keng tarqalgan jinoyatlar orasida odam savdosi bilan bog‘liq muammolar muhokama qilindi. Xususan, bu jinoiy qilmishga qarshi kurashish, fuqarolarning huquqiy savodxonligini oshirish va munosib mehnat tamoyillarini keng joriy etish borasida qabul qilingan me’yoriy-huquqiy hujjatlar mazmun-mohiyati tushuntirildi.

Tadbir ishtirokchilari odam savdosiga qarshi kurashda jamiyatning har bir a’zosi hushyor va ogoh bo‘lishi kerakligini ta’kidlashdi. Talabalar mavzu yuzasidan o‘zlarini qiziqtirgan savollarga javob oldilar va muhokamalarda faol ishtirok etdilar.

Mazkur davra suhbati yoshlarning huquqiy bilimini oshirish va ularni ogohlikka chaqirishda muhim ahamiyat kasb etdi.