2025-yil 21-yanvar kuni Toshkent davlat iqtisodiyot universiteti Samarqand filiali "Ta’lim sifatini nazorat qilish" bo‘limi boshlig‘i I.Ganiev, korrupsiyaga qarshi kurash “Komplaens nazorat” tizimini boshqarish bo‘limi bosh mutaxassisi A.Axmedov 2-ta'lim 2-bosqich "Bank ishi va audit" hamda "Buxgalteriya hisobi va hisobot ta'lim" yo'nalishlari, 2-ta'lim 2-bosqich "Moliya va moliyaviy texnologiyalar" ta'lim yo'nalishi sirtqi bo‘lim talabalari bilan uchrashuvi o‘tkazildi.

Uchrashuv davomida “Komplaens nazorat” tizimini boshqarish bo‘limi bosh mutaxassisi A.Axmedov va ta’lim sifatini nazorat qilish bo‘limining boshlig‘i I.Ganiev filialda tahsil olayotgan talabalarga korrupsiyaga qarshi kurashish bo‘yicha filialda qabul qilingan Dasturi (Siyosati), korrupsiyaning har qanday ko‘rinishiga toqatsizlik, bilim olish jarayonida halollik, ochiqlik va shaffoflikni ta’minlash borasida amalga oshirilayotgan ishlar to‘g‘risida so‘zlab berildi. Talabalarga O‘zbekiston Respublikasining “Korrupsiyaga qarshi kurashish to‘g‘risida”gi qonuni, “Korrupsiyasiz soha” loyihasi asosida amalga oshirilayotgan ishlar, filialda  qabul qilingan me’yoriy-huquqiy hujjatlar, jumladan, “Odob axloq kodeksi”,  “ Ichki tartib qoidalar”  va O‘zbekiston Respublikasining qonunchiligidagi korrupsion jinoyatlar uchun tegishli moddalar bo‘yicha tushunchalar berildi.