Toshkent davlat iqtisodiyot universiteti Samarqand filialida 2025-yilning 4-yanvar kuni "Sharq mutafakkirlarining merosini o‘rganish – inklyuziv ta’lim milliy modelini yaratishning muhim negizi. Nogironlik muammosiga zamonaviy yondashuv" hamda "Inklyuziv ta’limda shaxsiy ta’lim rejasining o‘rni va ularni tuzish tartibi" mavzularida qisqa muddatli malaka oshirish mashg‘ulotlari o‘tkazildi va filial professor-o’qituvchilari faol ishtirok etishdi.

Mazkur o‘quv seminarda xorijiy mutaxassislar (online rejimida) jalb etildi. Buyuk Britaniyaning Writtle Universitet professori Henry Matthews munozarali chiqish qildi. O‘quv seminarda xorijda malaka oshirish kurslarida malaka oshirishdan o‘tgan tajribali professor-o‘qituvchilar jalb etildi.

Mazkur seminarda Al-Farobiy nomidagi Qozog‘iston Milliy universiteti huzuridagi malaka oshirish va qo‘shimcha ta’lim institutida malaka oshirgan "Tabiiy, ijtimoiy fanlar va jismoniy madaniyat" kafedrasi mudiri, dotsent O‘.Xudayarov va "Raqamli iqtisodiyot va axborot texnologiyalari" kafedrasi dotsenti A.Amonov  va “Yashil iqtisodiyot va barqaror biznes” kafedrasi dotsenti Sh.Pardayevlar tomonidan chiqishlar qilindi.