Joriy yilning 3-dekabr kuni filialda Iqtisodiyot fakulteti 1-bosqich sirtqi ta’lim shakli talabalari bilan direktor va yoshlar uchrashuvi tashkil etildi. Ushbu uchrashuvda filial direktori, Iqtisodiyot fakulteti dekan va dekan o‘rinbosarlar hamda “Komplayens nazorat” tizimini boshqarish bo‘limi bosh mutaxassisi bilan birgalikda talabalari o‘rtasida samimiy va muloqotga boy uchrashuv bo‘lib o‘tdi. Uchrashuvda filialning kelgusi rivojlanish yo‘nalishlari, ta’lim sifatini oshirish va talabalar uchun yaratiladigan imkoniyatlar haqida so‘z borib, bu yilgi yangi tashabbuslar va yangiliklar taqdim etildi. Filial direktori o‘z nutqida ta’lim sohasidagi o‘zgarishlar, talabalarning ijtimoiy faolligi va ilmiy ishlanmalardagi yutuqlarni alohida ta’kidladi. "Bizning asosiy maqsadimiz – talabalarga yuqori sifatli ta’lim berish, ularning ilmiy salohiyatini rivojlantirish va kelajakda ularni jamiyatda muvaffaqiyatli qilish uchun barcha shart-sharoitlarni yaratish", – dedi filial direktori O.Murtazayev. Shuningdek, uchrashuvda talabalar o‘zlarini qiziqtirgan savollarni berishdi va filialdagi o‘qish jarayoni, ijtimoiy dasturlar hamda talabalarga yordam ko‘rsatish bo‘yicha fikrlar almashishdi. Uchrashuv so‘ngida direktor va talabalar o‘rtasida ishchan hamkorlikni yanada rivojlantirish va filialdagi hayot sifatini yaxshilashga qaratilgan qo‘shimcha chora-tadbirlar kelishib olindi. Tadbirning muvaffaqiyatli o‘tishi, filial va talabalar jamoasi o‘rtasidagi o‘zaro ishonchni mustahkamladi.