Joriy yilning 23-noyabr kuni "Yashil iqtisodiyot" to‘garagining navbatdagi  mashg‘uloti bo‘lib o‘tdi. Mashg‘ulotda marketing va bozor tadqiqotlari bo‘yicha ilmiy tadqiqot ishlarini amalga oshirish ketma-ketligi va ularning natijalarini umumlashtirish bo‘yicha muhim masalalar ko‘rib chiqildi. Talabalarga tadqiqot ishlarini rejalashtirishdan tortib, ma’lumotlarni tahlil qilish va ilmiy maqola tayyorlashgacha bo‘lgan jarayon bosqichma-bosqich tushuntirildi.

Dars natijasida ishtirokchilar bozor tadqiqotlarida yashil iqtisodiyot tamoyillarini qo‘llashning muhim jihatlarini chuqurroq anglab, kelgusida bajaradigan tadqiqotlarini yuqori ilmiy darajada rasmiylashtirish bo‘yicha ko‘nikmalarni egalladilar.

Mashg'ulot o'qituvchilari: 
1.Dotsent Sh.X. Pardayev 
2.Assistenti A.Saydullayev