Anjumanda buxgalteriya hisobi va audit sohasida oliy ta’lim tizimida dars berayotgan professor- o‘qituvchilar, tijorat banklari, yirik korxonalarning katta tajribaga ega bo‘lgan buxgalterlari va auditorlik tashkilotining auditorlari hamda ushbu sohalarda outsorsing xizmatini tashkil qilayotgan korxona vakillari qatnashishdi. Tadbirda buxgalteriya hisobi va auditning dolzarb masalalari bo‘yicha professor-o‘qituvchilar va malakali mutaxassislar xalqaro standartlariga o‘tgan tadbirkorlik subyektlarining moliyaviy hisoboti haqiqiyligiga auditorlik bahosini berish amaliyotidagi muammolar, buxgalterlar va auditorlarning tadbirkorlik hamjamiyatidagi mavqeini oshirish yo‘nalishlari, buxgalterlar malakalarini oshirish va baholash (sertifikatlash) tizimlari hamda kadrlar tayyorlash kabi mavzularda so‘z yuritdi.

Tadbir yakunda ushbu soha fidoiylari safida filial “Buxgalteriya hisobi va statistika” kafedrasining mudiri Mardonov Mamed Shavkatovich hamda kafedra assistenti Mirzayev Behzod Abdug‘ofur o‘g‘li viloyat hokimligining tashakkurnomalari bilan taqdirlanishdi.