Toshkent davlat iqtisodiyot universiteti Samarqand filiali Iqtisodiyot fakulteti 424-guruh talabalari bilan “Diniy bag‘rikenglik va millatlararo totuvlik haftaligi” o‘tkazildi.

Tadbirda talaba-yoshlar,ta’lim-tarbiya maslahatchilari va "Yashil iqtisodiyot va barqaror biznes " kafedrasi  o‘qituvchisi Hamrakulova Oydin Davronovna qatnashdilar. Tadbirda "Yashil iqtisodiyot va barqaror biznes " kafedrasi  o‘qituvchisi Hamrakulova Oydin Davronovna ma’ruza qildi. Ma’ruzada bugungi «Bag‘rikenglik haftaligi» doirasida tashkil etilgan ma’rifiy tadbir universitetda ko‘p millatli katta oila tuyg‘usini, millatlararo totuvlik hamda diniy bag‘rikenglikni yanada mustahkamlashga xizmat qildi. Turli millat va din vakillarining o‘z salohiyatini to‘laqonli amalga oshirish, ularning huquq va manfaatlarini himoya qilish uchun konstitutsiyaviy kafolatlar belgilangan. Bunda, eng avvalo, fuqarolarning jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeidan qat’i nazar, teng huquq va erkinliklarini, ularning qonun oldida tengligini ta’minlash alohida e’tiborga olingan.Mazkur sohada O‘zbekiston Respublikasi davlat siyosatining asosiy tamoyillari sirasiga fuqarolarning teng huquqliligi, ijtimoiy adolat, qonun ustuvorligi, millat va elatlarning madaniy, til va diniy qadriyatlari, an’ana va urf-odatlarini o‘zaro hurmat qilish kiradi.Konstitutsiyaviy kafolatlar jinsi, irqi, millati, tili, dini, ijtimoiy kelib chiqishidan qat’i nazar, fuqarolarga jamoat va davlat qurilishida ishtirok etishni ta’minlaydi deb aytib o‘tdilar.Tadbir so‘ngida talabalar o‘zlari qiziqtirgan savollariga javob olishdi.