2025-yil 3–9-iyul kunlari Oliy taʼlim, fan va innovatsiyalar vazirligi tashabbusi bilan “Axborot xizmati faoliyatida zamonaviy tendensiyalar” mavzusida malaka oshirish kursi tashkil etildi. Mazkur kurs axborot sohasida faoliyat yuritayotgan mutaxassislarning kasbiy bilim va ko‘nikmalarini yangi bosqichga olib chiqish, ularni zamonaviy kommunikatsiya texnologiyalari bilan tanishtirishga qaratildi.

Ushbu malaka oshirish dasturida 100 dan ortiq oliy taʼlim muassasalari axborot xizmati vakillari ishtirok etib, axborot siyosati, PR strategiyalari, digital kommunikatsiya, sunʼiy intellekt imkoniyatlaridan foydalanish kabi yo‘nalishlarda nazariy va amaliy bilimlarga ega bo‘lishdi.

Toshkent davlat iqtisodiyot universiteti Samarqand filiali matbuot kotibi P. Amritdinova ham mazkur kursda faol ishtirok etib, o‘z kasbiy salohiyatini yanada mustahkamladi.

Bu kurs oddiy malaka oshirish bilan cheklanib qolmay, balki yangi avlod axborotchilarini shakllantirish sari tashlangan muhim qadamlardan biri, axborot sohasidagi transformatsion o‘zgarishlarga yo‘l ochuvchi tajriba bo‘ldi.

Kurs yakunida barcha ishtirokchilarga malaka oshirish sertifikatlari tantanali ravishda topshirildi.