YUNESKO va Polsha Respublikasi hukumati 2025–2026-yillar uchun bir qancha sohalarida ilmiy izlanish olib boruvchi yosh mutaxassislar uchun stipendiya tanlovini e’lon qildi.

Stipendiyaning asosiy maqsadi — rivojlanayotgan mamlakatlarda muhandislik sohasida ilmiy faoliyat olib borayotgan yosh mutaxassislarni qo‘llab-quvvatlash.

Ta'lim va malaka oshirish yo‘nalishlari

Tanlab olingan nomzodlar Polsha Respublikasida 6 oy davomida quyidagi yo‘nalishlarda tahsil olishadi va ilmiy izlanish olib boradilar:

• Kompyuter texnologiyalari (3 ta loyiha)
• Biotibbiyot muhandisligi (2 ta loyiha)
• Tuproqshunoslik va atrof-muhit (9 ta loyiha)
• Atrof-muhit muhandisligi, konchilik va energiya (5 ta loyiha)
• Material ishlab chiqarish muhandisligi (1 ta loyiha)
• Mexanika muhandisligi (9 ta loyiha)
• Arxeologiya va konservatsiya (7 ta loyiha)
• Sotsiologiya fanlari (1 ta loyiha)

Talablar

• Nomzodlar bakalavr (B.A.) yoki magistr (M.A.) darajasiga ega bo‘lishlari shart.
• Ingliz tilida ravon o‘qish va yozish qobiliyatiga ega bo‘lish kerak.
• 40 yoshdan (yo‘nalish bo‘yicha farq qilishi mumkin) oshmagan bo‘lishi kerak.
• Ilmiy sohada yutuqlarga ega bo‘lish ustunlik beradi.

! Nomzodlar har bir tadqiqot sohasi va loyiha uchun talab qilinadigan aniq mezonlar va malakalar bilan tanishish uchun III-ilovaga murojaat qilishlari kerak.

Kerakli hujjatlar:

• UNESCO stipendiyasi uchun ariza shakli – barcha 4 sahifa ingliz tilida, katta harflarda to‘liq va to‘g‘ri to‘ldirilgan (qo‘l bilan yozilgan ariza ham katta harflarda yozilishi shart).
• Nomzodning shaxsiy fotosurat nusxasi.
• Pasport (asosiy sahifaning skaner qilingan nusxasi).
• Bakalavr yoki magistr darajasining tasdiqlangan nusxalari (ingliz tilida) – diplomlar Yevropa Ittifoqining talablari va me’yorlariga mos bo‘lishi kerak.
• Ingliz tili bilimini tasdiqlovchi sertifikat
• 2 ta tavsiyanoma – nomzodning ilmiy va kasbiy malakalarini tasdiqlovchi shaxslar tomonidan berilgan bo‘lish kerak.

Moliyaviy ko‘mak va imtiyozlar

 Polsha hukumati tomonidan taqdim etiladigan grantlar:

• 6 oy davomida bepul o‘qish va mahalliy qoidalarga muvofiq universitet infratuzilmalaridan foydalanish huquqi.
• Oylik stipendiya miqdori:

Magistr (M.A.) darajasiga ega nomzodlar uchun – 2 200 PLN.

Bakalavr (B.A.) darajasiga ega nomzodlar uchun – 1 800 PLN. (1 AQSh dollari ≈ 4,00 PLN.)

• Bir martalik maxsus stipendiya:

Magistrlar uchun – 2 200 PLN.

Bakalavrlar uchun – 1 800 PLN.

Ushbu mablag‘ Poznan shahrida yashash davrida madaniy, tarixiy va sayyohlik ekskursiyalari, konferensiyalar, seminarlar va boshqa darslarga oid tadbirlarni moliyalashtirish uchun ajratiladi.

Eslatma: Polshadagi umumiy yashash va turar joy xarajatlari nomzodning o‘z zimmasiga yuklatiladi.

UNESCO tomonidan taqdim etiladigan grantlar:

• Xalqaro safar xarajatlari – nomzodning mamlakatidan Polshaga va ortga qaytish uchun (eng to‘g‘ri va tejamkor yo‘nalish bo‘yicha) transport xarajatlari qoplanadi.
• Tibbiy sug‘urta – tibbiy ko‘rikdan o‘tgan va sog‘lom deb topilgan stipendiya oluvchilar uchun UNESCO tomonidan rasmiylashtiriladi va xarajatlari qoplanadi.
• Bir martalik ko‘mak – 120 AQSh dollari miqdorida beriladi.

Ariza topshirish tartibi

1-qadam

UNESCO/Polsha hamkorligidagi 2025–2026-yillar uchun stipendiya dasturi bilan tanishib chiqing:

I-Ilova (Shartlar va Qoidalar),

II-Ilova (O‘quv dasturi)
bilan tanishib chiqing.

2-qadam

Mamlakatingizdagi UNESCO Milliy Komissiyasi bilan bog‘lanib, milliy darajadagi ariza topshirish tartibi haqida ma’lumot oling.

(UNESCO Milliy Komissiyalarining aloqa ma’lumotlarini rasmiy saytdan topishingiz mumkin.)

3-qadam

Hujjatlarni tayyorlang va arizangiz bilan birga topshiring:

Muhim eslatma

Nomzodlar barcha hujjatlarni ingliz tilida tayyorlashlari va belgilangan muddatdan kechikmasdan topshirishlari shart.

Ariza topshirish oxirgi muddati: 12-may, 2025-yil

Ba’tafsil ma’lumot: https://www.unesco.org/en/fellowships/poland-engineering

Polshadagi universitet rasmiy sayti: www.unesco.agh.edu.pl