TDIU Samarqand filialida talaba-yoshlar bilan uchrashuv

18-sentabr, 2025-yil
 Toshkent davlat iqtisodiyot universiteti Samarqand filiali

Toshkent davlat iqtisodiyot universiteti Samarqand filialida “Jaholatga qarshi – ma’rifat bilan kurash!” hamda “Inson qadri va huquqlarining ustuvorligi – taraqqiyot poydevori” mavzularida talaba-yoshlar bilan uchrashuv tashkil etildi.

Uchrashuv ishtirokchilari

Mazkur tadbirda:
 O. Murtazayev – TDIU Samarqand filiali direktori,
 S.M. Boymurodov – Samarqand viloyati diniy ishlar bo‘yicha qo‘mita hududiy boshqarma rahbari,
 A. Axmedov – Korrupsiyaga qarshi kurash “Komplayens nazorat” tizimini boshqarish bo‘limi boshligi,
 X.I. Turdibekov – yoshlar masalalari va ma’naviy-ma’rifiy ishlar bo‘yicha direktorning birinchi o‘rinbosari,
shuningdek filial dekanlari, ularning o‘rinbosarlari, ta’lim-tarbiya maslahatchilari hamda talabalar qatnashdilar.

 Uchrashuvning bosh maqsadi yoshlarni hushyorlikka, ogohlikka chorlab, ularning ong va tafakkurini sog‘lom ma’naviy g‘oyalar asosida shakllantirishdan iborat bo‘ldi.

 Tadbir davomida internet va ijtimoiy tarmoqlarda tarqatilayotgan turli diniy va radikal mazmundagi g‘oyalarning salbiy oqibatlari haqida fikr yuritildi.
 Jaholatga qarshi kurashda eng kuchli qurol – ilm va ma’rifat ekani ta’kidlandi.
 Yoshlar har qanday ma’lumotni tanqidiy anglay bilishi, haqiqat va yolg‘onni ajrata olishi lozimligi uqtirildi.