2025-yil 25-aprel kuni Toshkent davlat iqtisodiyot universiteti Samarqand filiali Iqtisodiyot fakultetida “Milliy liboslar kuni” munosabati bilan ma’naviy-ma’rifiy tadbir tashkil etildi. Tadbirda fakultetning ta’lim-tarbiya maslahatchilari, professor-o‘qituvchilar va talabalar faol ishtirok etishdi.

Tadbirning asosiy maqsadi — milliy qadriyatlarimizni asrab-avaylash, yoshlar qalbida vatanparvarlik tuyg‘ularini yanada kuchaytirish va milliy madaniyatimizga bo‘lgan hurmatni oshirishdan iborat bo‘ldi. Ishtirokchilar atlas, adras, beqasam kabi milliy matolardan tikilgan liboslarda qatnashib, o‘zbek xalqining boy madaniy merosini namoyish etdilar.

Bunday tadbirlar yosh avlodni milliy qadriyatlarga hurmat ruhida tarbiyalashda muhim ahamiyat kasb etadi.

TDIU Samarqand filiali matbuot xizmati