Toshkent davlat iqtisodiyot universiteti Samarqand filialida dual ta’lim tizimi asosida “Raqamli iqtisodiyot” yo‘nalishi talabalari ishlab chiqarish va xizmat ko‘rsatish tashkilotlarida amaliyot o‘tamoqda.

Mazkur amaliyotlar talabalarning o‘quv jarayonida olgan nazariy bilimlarini real ish muhitida mustahkamlash, raqamli texnologiyalar, axborot tizimlari hamda iqtisodiy jarayonlarni tahlil qilish bo‘yicha amaliy ko‘nikmalarini rivojlantirishga xizmat qilmoqda.

Amaliyot jarayonida ishlarning tasdiqlangan amaliyot dasturi va kalendar rejaga muvofiqligi, topshiriqlarning sifatli va belgilangan muddatlarda bajarilishi, shuningdek, nazariy bilimlarning amaliyotda qo‘llanilishi doimiy ravishda o‘rganib borilmoqda.

Shu bilan birga, talabalarning amaliyot kundaliklarini yuritish tartibi, amaliyot o‘tayotgan tashkilotlar bilan o‘zaro hamkorlik aloqalari ham tahlil qilinib, mavjud jarayonlarni yanada takomillashtirish bo‘yicha tavsiyalar berilmoqda.

Dual ta’lim tizimi kelajakda raqobatbardosh, zamonaviy bilim va ko‘nikmalarga ega malakali mutaxassislar tayyorlashda muhim ahamiyat kasb etadi.