Toshkent davlat iqtisodiyot universiteti Samarqand filialida korrupsiyaga qarshi kurashish madaniyatini shakllantirish, yoshlarning huquqiy savodxonligini mustahkamlash va faol fuqarolik pozitsiyasini rivojlantirishga qaratilgan “Antikorrupsiya bilimdoni” intellektual tanlovi yuqori saviyada tashkil etildi.

Tadbir davomida jamoalar korrupsiyaning mohiyati, unga qarshi kurash mexanizmlari, qonunchilikdagi yangiliklar va halollik tamoyillariga oid chuqur bilimlari, tahliliy fikrlashi hamda sahna madaniyatini namoyon etdilar. Har bir jamoa o‘ziga xos kreativ yondashuv bilan chiqish qilib, korrupsiyaga qarshi qat’iy pozitsiyasini yorqin ifoda etdi.

Tanlov yakuniga ko‘ra:

• 1-o‘rin — Iqtisodiyot fakulteti

• 2-o‘rin — Qo‘shma ta’lim dasturi

• 3-o‘rin — Buxgalteriya va moliya fakulteti

Mazkur tanlov yoshlarning halollik qadriyatlariga sodiqligini kuchaytirib, korrupsiyaga qarshi kurash bo‘yicha ularning bilim va ko‘nikmalarini yanada mustahkamlashga xizmat qildi.