#Dolzarb90kunlik | Sayohat

Toshkent davlat iqtisodiyot universiteti Samarqand filiali Buxgalteriya hisobi va moliya fakulteti tyutori B.A. Ablakulov tashabbusi bilan talabalar uchun qiziqarli va mazmunli ekskursiya tashkil etildi. Tadbir doirasida talabalarga SamDU Biologiya fakultetining o‘simliklar bog‘ini ziyorat qilish imkoniyati yaratildi.

 Ekskursiya davomida talabalar o‘simliklarning biologik xususiyatlari, ularning ekologik muhitdagi ahamiyati va fanlararo integratsiyaning amaliy ko‘rinishlari haqida boy ma’lumotlarga ega bo‘lishdi. Shuningdek, biologik xilma-xillikni saqlashning dolzarbligi, tabiatga ongli munosabat va ekologik madaniyatni shakllantirish borasida muhim tushunchalar berildi.

Mazkur tashrif nafaqat nazariy bilimlarni mustahkamlash, balki talabalarning tabiatni anglash, ekologik mas’uliyatni his qilish hamda jamoaviylik ruhida faoliyat olib borishini rivojlantirishga xizmat qildi. Ekskursiya davomida talabalar hamkorlikda turli ilmiy savollarga javob izlab, kuzatuvchanlik va tahliliy fikrlash qobiliyatlarini mustahkamlashdi.

Tadbir yakunida talabalarning taassurotlari tinglandi va bunday tashabbuslarning ularning dunyoqarashini kengaytirishda, shaxsiy va kasbiy rivojlanishda naqadar muhim ekanligi ta’kidlandi.