Mazkur aksiya tabiatni muhofaza qilish, ekologik madaniyatni yuksaltirish hamda yosh avlodni ona tabiatga mehr-oqibat va e’tibor ruhida tarbiyalash maqsadida tashkil etildi.

Aksiya doirasida talabalar tomonidan qushlar uchun sun’iy uyachalar tayyorlanib, daraxtlarga o‘rnatildi. Shuningdek, tabiatda yashovchi qushlarga qish va bahor mavsumida oziq-ovqat topishda ko‘maklashish, biologik muvozanatni saqlash va ekologik tarbiyani mustahkamlashga alohida e’tibor qaratildi.

Tadbir ishtirokchilari ekologik tashabbus orqali atrof-muhitga befarq bo‘lmaslik, uni asrash va avaylash har bir fuqaroning burchi ekanini amaliy faoliyat orqali namoyon etdilar.