Raqamli iqtisodiyot va axborot texnologiyalari kafedrasida faoliyat yuritayotgan professor Praveen Malla 2026–2028-yillar muddatiga ORCIDning Global Researcher Advisory Council (Global Tadqiqotchilar Maslahat Kengashi) a’zoligiga tayinlangani haqida mamnuniyat bilan ma’lum qilamiz. U mazkur davr mobaynida Kengash maslahatchisi sifatida ilk muddatini amalga oshiradi.

Mazkur tayinlov biz uchun katta faxr va sharafdir. Professor Mallaning ORCID Tadqiqotchilar Maslahat Kengashiga a’zo etib saylanishi natijasida SBTSUE hamda O‘zbekiston “ilmiy tadqiqot va innovatsiyalarga yo‘naltirilgan” global ekotizimda rasmiy vakillik va xalqaro e’tirofga ega bo‘ldi.

Professor Malla 2024–2025-yillar davomida O‘zbekistonda ORCIDni joriy etish loyihasining loyiha direktori sifatida faoliyat olib bordi. Uning rahbarligi ostida ORCID targ‘ibot tashabbusi yuksak natijalarga erishdi — O‘zbekiston bo‘ylab 168 ta universitet jalb etildi hamda 9000 dan ortiq tadqiqotchi ORCID platformasiga ro‘yxatdan o‘tkazildi.

Professor Mallaning tinimsiz sa’y-harakatlari O‘zbekistonda barqaror ORCID hamjamiyatini shakllantirish, olimlar va ta’lim muassasalari o‘rtasida doimiy raqamli identifikatorlar (PID) haqida keng qamrovli xabardorlikni oshirish hamda ularni amaliyotga joriy etish uchun mustahkam zamin yaratdi.

Loyihadagi yuksak samaradorligi va fidokorona mehnati e’tirof etilib, professor Malla yuqoridagi nufuzli lavozimga tayinlandi.

Batafsil ma’lumot uchun: https://info.orcid.org/orcid-researcher-advisory-council/orcid-researcher-advisory-council-members/