O‘zbekiston – Latviya oliy ta’lim muassasalari Rektorlarining Birinchi Forumi

 2025-yil 4-sentabr kuni Riga shahridagi “Dom Chernogolovikh” tantanalar saroyida tarixiy ahamiyatga ega O‘zbekiston va Latviya oliy ta’lim muassasalari rahbarlarining Birinchi Rektorlar Forumi bo‘lib o‘tdi.

 Forumning ochilish marosimida Latviya Ta’lim va fan vaziri Dace Melbarde, O‘zbekiston Respublikasi Oliy ta’lim, fan va innovatsiyalar vaziri Qongratbay Sharipov, O‘zbekiston Respublikasining Latviya Respublikasidagi elchisi Timur Rahmanov va Latviya Rektorlar Assotsiatsiyasi prezidenti Arvids Barshevskis nutq so‘zladilar.

 Sessiyalarda universitetlarning barqaror rivojlanishi, innovatsiyalar, texnologiyalar va raqamli transformatsiya masalalari keng muhokama qilindi.

 TDIU Samarqand filiali direktori o‘rinbosari, prof. Farhod Axrorov o‘z ma’ruzasida filialda xalqaro hamkorlik doirasida amalga oshirilayotgan ishlar, Latviya universitetlari bilan qo‘shma dasturlar, talabalar almashinuvi va ilmiy loyihalarni rivojlantirish tashabbuslari haqida ma’lumot berdi.

Shuningdek, forumda filialning qo‘shma ta’lim dasturlari koordinatori Sherzod Yuldashev ham ishtirok etmoqda.

“Oliy ta’lim muassasalari o‘rtasidagi muloqot va hamkorlik nafaqat akademik almashinuvni kengaytiradi, balki yoshlarimizni global mehnat bozoriga tayyorlash va hududlarni innovatsion rivojlanishga yo‘naltirish imkonini beradi.”

 Forum doirasida ikki davlat oliy ta’lim muassasalari o‘rtasida bir qator hamkorlik shartnomalari imzolandi.