Dasturda Advance HE tashkilotining boshqaruv va transformatsiya bo‘yicha katta maslahatchisi Kim Ansell hamda boshqaruv bo‘yicha direktor o‘rinbosari Aaron Porter ishtirok etdi.

Ikki kun davom etgan seminarda 18 ta oliy ta’lim muassasasidan rektorlar, prorektorlar, boshqaruv kengashlari a’zolari va soha ekspertlaridan iborat qariyb 40 nafar rahbar xodim qatnashdi. Tadbir oliy ta’lim muassasalarini zamonaviy governance tamoyillari asosida boshqarish tizimini takomillashtirish, strategik boshqaruv madaniyatini shakllantirish hamda institutsional islohotlarni chuqurlashtirishga qaratilgan muhim bosqich bo‘ldi.

Seminar davomida oliy ta’lim tashkilotlari boshqaruvi bo‘yicha Boshqaruv kengashlari kodeksini ishlab chiqishning navbatdagi bosqichi muhokama qilindi. Xususan, Governance Change Academy Network (GCAN) milliy tarmog‘ini rivojlantirish, boshqaruv kengashi a’zolari uchun moslashuv va o‘quv dasturlarini ishlab chiqish hamda pilot tartibda sinovdan o‘tkazish, shuningdek, boshqaruv kengashi kotibi institutini joriy etish masalalari atroflicha ko‘rib chiqildi.

Mazkur seminar oliy ta’lim tizimida zamonaviy, shaffof va samarali boshqaruv modelini shakllantirishga qaratilgan tizimli islohotlarning amaliy davomi bo‘lib xizmat qiladi.  Bundan tashqari seminarda Toshkent davlat iqtisodiyot universiteti Samarqand filiali Ta’lim sifatini nazorat qilish bo‘limi boshlig‘i I.G‘aniyev ham ishtirok etdi.