“Marketing tamoyillari” fanidan sayyor mashg‘ulot o‘tkazildi

2025-yil 9-oktyabr kuni Toshkent davlat iqtisodiyot universiteti Samarqand filiali “Yashil iqtisodiyot va barqaror biznes” kafedrasi dotsenti, PhD Axtamova Mohigul Erkinovna tomonidan Oxford International School ta’lim muassasasida “Marketing tamoyillari” fanidan “Bozorni segmentlash va mahsulotni bozorda joylashtirish” mavzusida sayyor mashg‘ulot o‘tkazildi.

Mashg‘ulot davomida talabalarga bozorni segmentlashning mohiyati, iste’molchilar ehtiyojlarini tahlil qilish va mahsulotni to‘g‘ri pozitsiyalash orqali samarali marketing strategiyalarini shakllantirish bo‘yicha amaliy bilimlar berildi.

Bugungi kunda O‘zbekiston Respublikasida ta’lim tizimi muhim o‘rin tutadi. Mamlakatimizda ta’lim muassasalari ta’lim bosqichlari, turlari, tiplari va mulk shakllari bo‘yicha segmentlashtiriladi.

Innovatsion o‘qitish metodlaridan foydalanish talabalarning kasbiy tayyorgarligini oshirishda muhim ahamiyat kasb etadi. Chunki bo‘lajak mutaxassislar o‘z faoliyatida innovatsion texnologiyalardan samarali foydalana olishlari zarur.

Sayyor mashg‘ulot natijasida talabalarda yangi bilim va ko‘nikmalar shakllandi, ularning ijodiy fikrlash qobiliyatlari rivojlandi. Mazkur dars talabalar faol hayotiy pozitsiyasini shakllantirish va ijodkorlik salohiyatini oshirishga xizmat qildi.