“Ma’rifat ulashib” loyihasi doirasida adabiy-ma’naviy uchrashuv bo‘lib o‘tdi

2025-yil 12-noyabr kuni “Ma’rifat ulashib” loyihasi doirasida navbatdagi adabiy-ma’naviy uchrashuv tashkil etildi.
Tadbirda taniqli shoir va yozuvchilar — Muhiddin Abdusamad, Anvarmirzo Qudratov, Tozagul Jumanova hamda Yangiboy Qo‘chqorovlar ishtirok etishdi.

Uchrashuv ijodkorlarning hayoti va ijodiy faoliyatini aks ettiruvchi lavhalar bilan boshlandi. So‘ngra adiblar yoshlar bilan samimiy muloqot o‘tkazib, ijod jarayonlari, adabiyotning inson ma’naviyatini shakllantirishdagi o‘rni va bugungi adabiy jarayon haqida o‘z fikrlarini bildirishdi.

Ijodkorlar “Ma’rifat ulashib” loyihasi ularni ham yangi ilhom va yuksak ma’naviy ruh bilan to‘ldirganini ta’kidlashdi. Tadbir davomida talabalar adiblarning asarlari, ularning ijodiy yo‘li haqida qiziqarli savollar berishdi va batafsil javoblar olishdi.

Mazkur uchrashuv yoshlarning adabiyotga bo‘lgan qiziqishini oshirish, ijodiy tafakkurini kengaytirish va ma’naviy qadriyatlarni mustahkamlashga xizmat qildi.