Toshkent davlat iqtisodiyot universiteti Samarqand filiali xotin-qizlar masalalari bo‘yicha raislari, “Lider qizlar” va “Qizlarjonlar” klubi a’zolari Buxoro shahrida o‘tkazilgan keng qamrovli ko‘rgazmada faol ishtirok etdilar.

Ko‘rgazma davomida qizlar o‘zining iqtidorlari, kreativ yondashuvlari, innovatsion g‘oyalari va yetakchilik fazilatlarini namoyish etishdi. Ular turli sohalarda erishgan yutuqlari, ijodiy ishlari, hunarmandchilik namunalari hamda ijtimoiy loyihalari bilan tashrif buyuruvchilar e’tiborini qozondilar.

Mazkur tashrif yoshlarning bilim va ko‘nikmalarini boyitish, ularni faol fuqarolik pozitsiyasiga ega, tashabbuskor va mas’uliyatli shaxslar sifatida shakllantirishda muhim ahamiyat kasb etadi.

Bunday tadbirlar yosh ayollarni rag‘batlantirish, ularning intellektual salohiyatini rivojlantirish va jamiyatda faol ishtirokini ta’minlashga xizmat qiladi.

Faol, izlanuvchan va ilhomli qizlar — bizning faxrimiz, kelajagimizning ishonchli tayanchidir.